30 Jun 2012

ഉസ്താദ് ഹോട്ടല്‍ - ആസ്വാദനത്തിനുള്ള എല്ലാ ചേരുവകളും ചേര്‍ത്ത വിഭവങ്ങള്‍ അന്‍വര്‍ റഷീദിന്റെ ഉസ്താദ് ഹോട്ടലില്‍ ലഭ്യമാണ് - 7.50 / 10

ഹോട്ടലില്‍ ഭക്ഷണം കഴിക്കുവാന്‍ വരുന്നവരുടെ വയറു നിറയ്ക്കുവാന്‍ ആര്‍ക്കും സാധിക്കും, പക്ഷെ അവരുടെ മനസ്സ് നിറയ്ക്കുവാനാണ് നമ്മള്‍ ശ്രമിക്കേണ്ടത്. ഈ സിനിമയില്‍ കരീമിക്ക ഫൈസിയോടു പറയുന്ന സംഭാഷണമാണിത്. സിനിമ കാണുവാന്‍ വരുന്ന പ്രേക്ഷകരെ രണ്ടര മണിക്കൂര്‍ പിടിചിരുത്തുവാന്‍ ആര്‍ക്കും സാധിക്കും, പക്ഷെ അവരെ ചിരിപ്പിച്ചും ചിന്തിപ്പിച്ചും ആസ്വദിപ്പിച്ചും മനസ്സ് നിറയ്ക്കുവാനാണ് ഉസ്താദ് ഹോട്ടല്‍ എന്ന സിനിമയിലൂടെ സംവിധായകന്‍ അന്‍വര്‍ റഷീദും കൂട്ടരും ശ്രമിച്ചത്. ആ ശ്രമം നൂറു ശതമാനം വിജയിച്ചിരിക്കുന്നു.  

മമ്മൂട്ടിയുടെയും മോഹന്‍ലാലിന്റെയും ആരാധകന്മാരെ ത്രിപ്ത്തിപെടുത്തുന്ന രീതിയില്‍ ഒരുക്കിയ രാജമാണിക്യം, ചോട്ടാ മുംബൈ, അണ്ണന്‍ തമ്പി എന്നീ സിനിമകള്‍ക്ക്‌ ശേഷം ആസ്വാദനത്തിന്റെ എല്ലാ ചേരുവകളും ചേര്‍ത്ത് അന്‍വര്‍ റഷീദ് ഒരുക്കിയ ഉസ്താദ് ഹോട്ടലില്‍ മമ്മൂട്ടിയുടെ മകന്‍ ദുല്‍ക്കര്‍ സല്‍മാന്‍ നായകനാകുന്നു. ദുല്ക്കറിനെ കൂടാതെ തിലകന്‍, നിത്യ മേനോന്‍, സിദ്ദിക്ക്, മാമുക്കോയ, ലെന എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. മഞ്ചാടിക്കുരു എന്ന സിനിമയിലൂടെ പ്രേക്ഷക പ്രീതി നേടിയ അഞ്ജലി മേനോനാണ് ഉസ്താദ് ഹോട്ടലിന്റെ കഥയും തിരക്കഥയും സംഭാഷണങ്ങളും എഴുതിയിരിക്കുന്നത്. ലോകനാഥന്‍ ചായഗ്രഹണവും പ്രവീണ്‍ പ്രഭാകര്‍ ചിത്രസന്നിവേശവും നിര്‍വഹിച്ചിരിക്കുന്ന ഈ സിനിമ നിര്‍മ്മിച്ചിരിക്കുന്നത് മാജിക് ഫ്രെയിംസ് സിനിമയുടെ ബാനറില്‍ ലിസ്റ്റിന്‍ സ്റ്റിഫനാണ്. ട്രാഫിക്‌, ചാപ്പ കുരിശ് എന്നീ സിനിമകള്‍ നിര്‍മ്മിച്ച്‌ കൊണ്ട് മലയാള സിനിമയിലെക്കെത്തിയ ലിസ്റ്റിന്‍ സ്റ്റിഫന്റെ മൂന്നാമത് സിനിമയാണ് ഉസ്താദ് ഹോട്ടല്‍. റഫീക്ക് അഹമ്മദിന്റെ വരികള്‍ക്ക് ഗോപി സുന്ദര്‍ ഈണം പകര്‍ന്നിട്ടുള്ള പാട്ടുകള്‍ ഇതിനോടകം തന്നെ ശ്രദ്ധ നേടികഴിഞ്ഞിരിക്കുന്നു.

കഥ, തിരക്കഥ: ഗുഡ്
മഞ്ചാടിക്കുരു
എന്ന സിനിമയിലൂടെ പ്രേക്ഷകരെ വിസ്മയിപ്പിച്ച അഞ്ജലി മേനോന്‍ എഴുതിയ കഥാസന്ദര്‍ഭങ്ങളും സംഭാഷണങ്ങളുമാണ് ഈ സിനിമയുടെ പ്രധാന സവിശേഷത. കോഴിക്കോട് ബീച്ചിനടുത്ത് സ്ഥിതി ചെയുന്ന പുരാതനമായ ഉസ്താദ് ഹോട്ടലിന്റെ ഉടമ കരീമിക്കയും, കരീമിക്കയുടെ പേരകുട്ടി ഫൈസല്‍ എന്ന ഫൈസിയും തമ്മിലുള്ള വൈകാരികബന്ധങ്ങളുടെ കഥയാണ് ഉസ്താദ് ഹോട്ടല്‍ എന്ന സിനിമയിലൂടെ അഞ്ജലി മേനോന്‍ പ്രേക്ഷകരോട് പറയുവാന്‍ ശ്രമിച്ചത്. ഇന്നത്തെ തലമുറയിലുള്ള ചെറുപ്പകാര്‍ വിദേശത്ത് നിന്നും ഉന്നത വിദ്യാഭ്യാസം നേടുകയും വിദേശത്ത് തന്നെ ജോലി ചെയ്യുവാന്‍ ആഗ്രഹിക്കുന്നവരാണ്. അങ്ങനെയുള്ള ഒരാളാണ് ഈ സിനിമയിലെ കഥാനായകന്‍ ഫൈസി. ഒരു പ്രത്യേക സാഹചര്യത്തില്‍ തന്റെ ഉപ്പയുടെ ഉപ്പയോടൊപ്പം ഉസ്താദ് ഹോട്ടലില്‍ ജോലി ചെയ്യേണ്ടി വരുന്ന ഫൈസി, ഭക്ഷണം പാചകം ചെയ്യുന്നതില്‍ സമര്‍ത്ഥനാണ്. ഫൈസിയുടെ ഉപ്പൂപ്പ കരീമിക്ക, ഫൈസിക്ക് ജീവിത യാഥാര്‍ത്യങ്ങള്‍ പലതും പടിപ്പിച്ചുകൊടുക്കുന്നു. അങ്ങനെ ഫൈസി കരീമിക്കയുടെ കൂടെ നിന്ന് ഉസ്താദ് ഹോട്ടലിലുള്ള ജോലി സജീവമാക്കുന്നു. തുടര്‍ന്ന് ഫൈസിയുടെയും കരീമിക്കയുടെയും ജീവിതത്തിലുണ്ടാകുന്ന സംഭവങ്ങളാണ് ഈ സിനിമയുടെ കഥ. 
     
സംവിധാനം: വെരി ഗുഡ്
താരപ്രഭയില്‍ നിന്നും വേറിട്ടതും കലാമൂല്യമുള്ളതുമായ സിനിമയായിരുന്നു അന്‍വര്‍ റഷീദ് ഒരുക്കിയ ഹൃസ്വ ചിത്രം ബ്രിഡ്ജ്[കേരള കഫേ]. അതെ ശ്രേണിയില്‍ പെടുത്താവുന്ന കലമൂല്യമുള്ളതും എന്നാല്‍ എല്ലാതരം പ്രേക്ഷകരെയും ആസ്വദിപ്പിക്കുകയും ചെയുന്ന രീതിയിലാണ് അന്‍വര്‍ ഉസ്താദ് ഹോട്ടല്‍ ഒരുക്കിയിരിക്കുന്നത്. പ്രത്യേകിച്ച് പുതുമകളൊന്നുമില്ലാത്ത കഥയാണെങ്കിലും, മികവുറ്റ കഥാപാത്ര രൂപികരണവും, കഥാസന്ദര്‍ഭങ്ങളുമുള്ള അഞ്ജലി മേനോന്‍ എഴുതിയ തിരക്കഥയെ തികഞ്ഞ ആത്മാര്‍ഥതയോടെ സമീപിക്കുകയും മികച്ച രീതിയില്‍ സംവിധാനം ചെയ്യുകയും ചെയ്ത അന്‍വര്‍ റഷീദിന് അവകാശപെട്ടതാണ് ഈ സിനിമയുടെ വിജയം. ലോകനാഥന്‍ ഒരുക്കിയ സുന്ദര ദ്രിശ്യങ്ങളും, ഗോപി സുന്ദര്‍ ഒരുക്കിയ സംഗീതവും, തിലകന്‍ എന്ന നടന്റെ അഭിനയവുമെല്ലാം ഈ സിനിമ മികച്ചതാക്കുന്നതില്‍ അന്‍വര്‍ റഷീദിനെ സഹായിച്ചിട്ടുണ്ട്. ഫൈസി എന്ന കഥാപാത്രം മധുരയില്‍ പോയതിനു ശേഷം ജീവിതത്തിലെ ചില സത്യങ്ങള്‍ തിരിച്ചറിയുന്ന രംഗങ്ങളെല്ലാം മികവുറ്റ രീതിയില്‍ സംവിധാനം ചെയ്തിരിക്കുന്നു. അതുപോലെ തന്നെ, കരീമിക്കയുടെ ചെറുപ്പകാലം കാണിച്ചിട്ടുള്ള രംഗങ്ങളും, കരീമിക്കയും ഫൈസിയും തമ്മിലുള്ള ആത്മബന്ധം വെളിവാക്കുന്ന രംഗങ്ങളും മികവുറ്റതാക്കുവാന്‍ അന്‍വറിന്  സാധിച്ചു.

സാങ്കേതികം: വെരി ഗുഡ്
ന്യൂ ജെനറേഷന്‍ സിനിമകള്‍ എന്ന് വിശേഷിപ്പിക്കുന്ന ഈ കാലഘട്ടത്തിലെ സിനിമകളെ വ്യതസ്തമാക്കുനത്തില്‍ പ്രധാന പങ്കുവഹിക്കുന്ന ഘടങ്ങളാണ് ചായഗ്രഹണവും ചിത്രസന്നിവേശവും പശ്ചാത്തല സംഗീതവും. ഈ മൂന്ന് ഘടഗങ്ങളും മികച്ചതായാല്‍ പ്രേക്ഷകര്‍ക്ക്‌ അതൊരു നല്ല അനുഭവമായിരിക്കും. ഉസ്താദ് ഹോട്ടല്‍ എന്ന സിനിമയില്‍ ലോകനാഥന്‍ ഒരുക്കിയ വിഷ്വലുകളും, പ്രവീണ്‍ പ്രഭാകറിന്റെ സന്നിവേശവും, ഗോപി സുന്ദര്‍ ഈണമിട്ട പാട്ടുകളും പശ്ചാത്തല സംഗീതവും മികവു പുലര്‍ത്തുന്നവയാണ്. കോഴിക്കോടിന്റെ മനോഹാരിതയും ദുബായ് നഗരത്തിന്റെ സമ്പന്നതയും ഒരുപോലെ ഹൃദ്യമായി പ്രേക്ഷകര്‍ക്ക്‌ അനുഭവപെടുന്ന രീതിയിലാണ് ലോകനാഥന്റെ ചായാഗ്രഹണം. സിനിമയുടെ ആദ്യപകുതിയിലെ ഒന്ന് രണ്ടു രംഗങ്ങള്‍ വെട്ടികുറച്ചു സിനിമയുടെ ദൈര്‍ഘ്യം ഒരല്പം കുറയ്ക്കാമായിരുന്നു എന്നതൊഴികെ പ്രവീണ്‍ നിര്‍വഹിച്ച സന്നിവേശവും മികവു പുലര്‍ത്തി. ഗോപി സുന്ദര്‍ ഈണമിട്ട "വാതിലില്‍ ആ വാതിലില്‍..." എന്ന് തുടങ്ങുന്ന പാട്ടും, "അപ്പങ്ങള്‍ എമ്പാടും ച്ചുട്ടമ്മായീ..." എന്ന പാട്ടും പ്രേക്ഷകര്‍ക്ക്‌ ഇഷ്ടമാകുന്നുണ്ട്. സമീറ സനീഷിന്റെ വസ്ത്രാലങ്കാരവും, ബിജു ചന്ദ്രന്റെ കലാസംവിധാനവും സിനിമയുടെ മാറ്റുകൂട്ടുന്നു. 


അഭിനയം: ഗുഡ്
ഇന്ത്യന്‍ സിനിമയിലെ തന്നെ മികച്ച നടന്മാരില്‍ ഒരാളായ തിലകന് ഇന്ത്യന്‍ റുപ്പിയിലെ അച്യുത മേനോന്‍ എന്ന കഥാപാത്രത്തിന് ശേഷം ലഭിച്ച മികച്ച വേഷമാണ് ഉസ്താദ് ഹോട്ടല്‍ ഉടമ കരീം എന്ന കരീമിക്ക. അത്യുജ്വല പ്രകടനം നടത്തി പ്രേക്ഷകരെ വിസ്മയിപ്പിക്കുന്നു മലയാള സിനിമയുടെ പെരുന്തച്ചന്‍. അതുപോലെ, തമിഴ് സിനിമകളിലൂടെ സുപരിചിതനായ ജയപ്രകാശും മികച്ച അഭിനയം കാഴ്ച്ചവെചിട്ടുണ്ട് ഈ സിനിമയില്‍. താനൊരു പുതുമുഖമാണ് എന്ന തോന്നിപ്പിക്കാത്ത രീതിയില്‍ മികച്ച അഭിനയം കാഴ്ച്ചവെയ്ക്കുവാന്‍ താരപുത്രന്‍ ദുല്ക്കറിനും സാധിച്ചു. ഇവരെ കൂടാതെ നിത്യ മേനോന്‍, സിദ്ദിക്ക്, മാമുക്കോയ, ഭഗത് മാനുവല്‍. ശ്രീനാഥ് ഭാസി, മണിയന്‍പിള്ള രാജു, ജിഷ്ണു, കുഞ്ചന്‍, ജിനു ജോസ്, ലെന, പ്രവീണ, അതിഥി താരമായി ആസിഫ് അലി എന്നിവരുമുണ്ട് ഈ സിനിമയില്‍.
  
 

സിനിമയുടെ പ്ലസ്‌ പോയിന്റ്സ്:
1. അന്‍വര്‍ റഷീദിന്റെ സംവിധാനം
2. തിരക്കഥ, കഥാപാത്രങ്ങള്‍, സംഭാഷണങ്ങള്‍
3. തിലകന്‍, ദുല്‍ക്കര്‍, ജയപ്രകാശ് എന്നിവരുടെ അഭിനയം
4. ചായാഗ്രഹണം, പശ്ചാത്തല സംഗീതം


സിനിമയുടെ മൈനസ് പോയിന്റ്സ്:  
1. സിനിമയുടെ ദൈര്‍ഘ്യം 


 
ഉസ്താദ് ഹോട്ടല്‍ റിവ്യൂ: രണ്ടു തലമുറയില്‍പെട്ട രണ്ടു വ്യക്തികള്‍ തമ്മിലുള്ള വൈകാരികബന്ധങ്ങളുടെ കഥപറയുന്ന ഉസ്താദ് ഹോട്ടല്‍ കാണുവാന്‍ കയറുന്ന പ്രേക്ഷകരുടെ മനസ്സ് നിറയ്ക്കുവാന്‍ സാധിച്ച അന്‍വറിനും അഞ്ജലിയ്ക്കും ലിസ്റ്റിനും ഒരായിരം നന്ദി! 

ഉസ്താദ് ഹോട്ടല്‍ റേറ്റിംഗ്: 7.50 / 10
കഥ, തിരക്കഥ: 7 / 10 [ഗുഡ്]
സംവിധാനം: 8 / 10 [വെരി ഗുഡ്]
സാങ്കേതികം: 4 / 5 [വെരി ഗുഡ്]
അഭിനയം: 3.5 / 5 [ഗുഡ്]
ടോട്ടല്‍: 7.5 / 10 [22.5 / 30]


സംവിധാനം: അന്‍വര്‍ റഷീദ്
കഥ, തിരക്കഥ, സംഭാഷണം: അഞ്ജലി മേനോന്‍
നിര്‍മ്മാണം: ലിസ്റ്റിന്‍ സ്റ്റീഫന്‍
ബാനര്‍: മാജിക് ഫ്രെയിംസ്
ചായാഗ്രഹണം: ലോകനാഥന്‍
ചിത്രസന്നിവേശം: പ്രവീണ്‍ പ്രഭാകര്‍
വരികള്‍: റഫീക്ക് അഹമ്മദ് 
സംഗീതം, പശ്ചാത്തല സംഗീതം: ഗോപി സുന്ദര്‍
കലാസംവിധാനം:ബിജു ചന്ദ്രന്‍
വസ്ത്രാലങ്കാരം: സമീറ സനീഷ് 
 
വിതരണം: സെഞ്ച്വറി ഫിലിംസ്

8 comments:

  1. Mr. NIROOPANAM,

    NIROOPANAM VAAYIKKUNNATH ABHIPRAAYAM ARINJITT AA CENEMA KAANAAN VENDIYAAN..ITH PADAM THIATRIL NINN MAARIYA SHESHAMAANALLO NINGALUDE NIROOPANAM VARUNNATH.... POST EARLY...

    ReplyDelete
  2. bhai baakki elaa cinemayudeyum revie ishtapettu pakshe ithoru below average padamane nannja padakkam ie cinema konde enthane parayan uddesikkunnathe ennu onnu parayamo

    ReplyDelete
    Replies
    1. Superb movie, watch first, then write comments...

      Delete
  3. ഇന്നലെയാണ് പടം കണ്ടത്. ഇതാ പറയുക.. മനസ്സ് നിറയ്ക്കുന്ന ഒരു സിനിമാനുഭവം. കരീമിക്കയും ചെറുമകനും തമ്മിലുള്ള രംഗങ്ങള്‍ ഒക്കെയും ഒരല്‍പം നൊമ്പരവും കുളിര്‍മ്മയും സമ്മാനിച്ചു. മനോഹരമായ എന്നാല്‍ അമിത നാടകീയതയില്ലാത്ത നല്ലൊരു കഥയും കഥാപാത്രങ്ങളും.. തുടക്കം മുതല്‍ ഒടുക്കം വരെ നമ്മെ കഥയോട് ചേര്‍ത്ത് നിര്‍ത്തുന്ന പശ്ചാത്തലസംഗീതം ...

    ഈ പടം പടം ഒത്തിരി നമ്മെ ചിന്തിപ്പിക്കുന്നുണ്ട്.. പ്രത്യേകിച്ചും ഒരു ഡിഗ്രി കിട്ടി കഴിഞ്ഞയുടനെ അന്യനാട്ടില്‍ പോകണമെന്നു ആഗ്രഹിച്ചു നടന്ന എന്നെപ്പോലെയുള്ള പലരെയും..

    (പടം കഴിഞ്ഞപ്പോള്‍ തീയേറ്ററില്‍ തിങ്ങി നിറഞ്ഞിരുന്ന കുടുംബങ്ങളൊക്കെ കയ്യടിച്ചു..മനസ്സ് നിറഞ്ഞ കയ്യടി. )

    ReplyDelete
  4. ഈ സിനിമയുടെ plus പോയിന്റ്‌ ആയി തിരക്കഥ ചൂണ്ടിക്കാണിച്ച ഹേ നിരൂപകാ , ഇതിലും വിശ്വാസയോഗ്യമായി, യുക്തിയോടെ പള്ളിക്കൂടം പിള്ളേര്‍ തിരക്കഥ എഴുതും . ഇവിടെ പല നിരൂപക ശ്രേഷ്ഠന്മാര്‍ക്കും വാപ്പച്ചിയോടുള്ള സ്നേഹം മക്കള്‍ തിലകതിനോടും കാണിക്കുന്നു എന്നാണു തോന്നുക .ഇത് പോലൊരു യുക്തിരാഹിത്യം നിറഞ്ഞ കഥ അടുത്ത കാലത്തൊന്നും കണ്ടിട്ടില്ല.

    ReplyDelete
    Replies
    1. dear thats what my point too , i dont understand y everyone is praising this movie, when a story or fim doesnt have any objective how could it be great script or something . if our fim industry also in consumer law i would have claim for a refund

      Delete
    2. I think this naveen and nomad are either mohanlal fan or rajappan fan, they could not bear the envy,first accept the goodness with an open eye.100%of accept Ustad Hotel is a good movie,except you people.Nobody needs your comment,because the movie is hit.And not only that watch Amrita TV Samagamam with Thilakan,he told Dulquer is a promise and he acted well,while acting he observed,do not forget Tilakan hates Mammootty then said.So please accept good talent without prejudice.

      Delete
  5. I disagree with you Ameera.... n completely agree with naveen and nomad. This film may be a huge success because of fake or false mouth publicity or because of the support of our small screen media or because of the luck of the producer or the director... I had watched this film yesterday, n felt nothing but got bored n felt sad for wasting two and half hours of my valuable vacation time. Just want to point out that this film has not at all coming nearer, in anyway to the films such as Pranjiyettan or Spirit or even the new released movie "Friday" in which I felt ,still... the amazing and lots of heart touching or soul touching scenes and dialogues... This film is nothing n want to repeat what Naveen had pointed out... " Im not understand y every one is praising this movie".

    ReplyDelete