തിരുവനന്തപുരം ലോഡ്ജില്‍ നിന്നും ഹോട്ടല്‍ കാലിഫോര്‍ണിയയിലെത്തിയ അനൂപ്‌
മേനോനും ജയസുര്യയും, അവരുടെ കൂട്ടിനു പരസ്യ ചിത്രങ്ങള്‍ സംവിധാനം
ചെയ്തിരുന്ന അജി ജോണും നവാഗത നിര്‍മ്മാതാക്കള്‍ ജയരാജ് ഫിലിംസും.
ഗുണ്ടായിസം മുതല്‍ കൂട്ടിക്കൊടുപ്പ് വരെ ചെയ്യുന്ന എയര്പോര്ട്ട് ജിമ്മി,
രോഗിയായ അച്ഛന് വേണ്ടി പ്രത്യേക ലക്‌ഷ്യം മനസ്സില്‍ സൂക്ഷിക്കുന്ന സൂപ്പര്‍
സ്റ്റാര്‍ പ്രേം സാഗര്‍, പണം മാത്രം ലക്ഷ്യമാക്കി ജീവിക്കുന്ന
കേന്ദ്രമന്ത്രി പുത്രന്‍ തരുണ്‍, മറ്റൊരാള്‍ നല്‍ക്കിയ ദൗത്യം
പൂര്‍ത്തിയാക്കാന്‍ നിയോഗിക്കപെട്ട നിഷ്കളങ്കനായ റഫീക്ക്, കാമം തലയ്ക്കു
പിടിച്ച പണക്കാരന്‍ എബി, പണമുണ്ടാക്കാന്‍ എന്ത് തരികിടയും കാണിക്കുന്ന ശശി
പിള്ള, തീവ്രവാദികളാകാന്‍ ശ്രമിക്കുന്ന ഒരുകൂട്ടം മണ്ടന്മാര്‍, വിഡ്ഢിയായ
പോലിസ് ഉദ്യോഗസ്ഥന്‍ ഭരത്ചന്ദ്രന്‍, പണത്തിനു വേണ്ടി ശരീരംവരെ വില്‍ക്കാന്‍
തയ്യാറാകുന്ന സിനിമ നടി സ്വപ്ന, കല്യാണം കഴിക്കാതെ തന്നെ കുട്ടികള്‍
ഉണ്ടാകുവാന്‍ കൃത്രിമ ഭീജം വിലയ്ക്കെടുക്കുന്ന കമലം എന്നിവരാണ് ഈ സിനിമയിലെ
പ്രധാന കഥാപാത്രങ്ങള്‍. ഈ കഥാപാത്രങ്ങളെല്ലാം അവര്‍ പോലുമറിയാതെ തമ്മില്‍
ഒരു ബന്ധം ഉണ്ടാകുന്നു, അതിനു എയര്പോര്ട്ട് ജിമ്മി കാരണക്കരനാകുന്നു.
ഇവരുടെ രസകരമായ കഥയാണ് ഹോട്ടല്‍ കാലിഫോര്‍ണിയ.
ജയരാജ്
ഫിലിംസിന് വേണ്ടി ജോസ്മോന്‍ സൈമണ്‍ നിര്‍മ്മിച്ച്‌, അനൂപ്‌ മേനോന്‍ രചന
നിര്‍വഹിച്ചു, നമുക്ക് പാര്‍ക്കാന്‍ എന്ന സിനിമയ്ക്ക് ശേഷം അജി ജോണ്‍
സംവിധാനം ചെയ്ത ഈ സിനിമയില്‍ ജയസുര്യ, അനൂപ്‌ മേനോന്‍, സൈജു കുറുപ്പ്,
ശങ്കര്‍, പി. ബാലചന്ദ്രന്‍, ജോജു ജോസഫ്, നന്ദു, മണിക്കുട്ടന്‍, ബാബു
നമ്പൂതിരി, നാരായണന്‍കുട്ടി, സുധീഷ്‌, കൃഷ്ണ, സാദിക്ക്, സംവിധായകന് അജി ജോണ്‍, ജോര്‍ജ്, അരുണ്‍, നിഖില്‍ മേനോന്‍, അപര്‍ണ നായര്‍, ഹണി റോസ്, മരിയ റോയ്, ശ്രുതി, കവിത നായര്‍, തെസ്നി ഖാന്‍, കൃഷ്ണപ്രഭ, സുകുമാരി എന്നിവരാണ് പ്രധാന അഭിനേതാക്കള്‍.
കഥ, തിരക്കഥ: ആവറേജ്
കോക്ക്ടെയ്ല്‍, ബ്യൂട്ടിഫുള്‍, ട്രിവാന്‍ഡ്രം ലോഡ്ജ് എന്നീ സിനിമകള്‍ക്ക്‌ ശേഷം അനൂപ്‌ മേനോന്റെ തിരക്കഥയില്‍ പുറത്തിറങ്ങുന്ന സിനിമയാണ് ഹോട്ടല്‍ കാലിഫോര്‍ണിയ. 1980-90 കാലഘട്ടങ്ങളില്‍ മലയാള സിനിമയില്‍ പുറത്തിറങ്ങിയ പ്രിയദര്‍ശന്‍-മോഹന്‍ലാല്‍-ശ്രീനിവാസന്‍ സിനിമകളില്‍ കണ്ടിട്ടുള്ള പോലെയുള്ള കഥയാണ് ഈ സിനിമയുടെത്. പലതരം ലക്ഷ്യങ്ങളുമായി ജീവിക്കുന്ന ഒട്ടനേകം കഥാപാത്രങ്ങള്‍ ഒരൊറ്റ സ്ഥലത്ത് വന്നു ചേരുന്നതും, പരസ്പരം അറിയാതെ അവര്‍ തമ്മില്‍ പല പ്രശ്നങ്ങലുണ്ടാകുകയും, അതിനിടയില്‍ സംഭവിക്കുന്ന നൂലാമാലകളും കണ്ഫ്യൂഷനുകളും പൊട്ടത്തരങ്ങളും രസകരമായി കോര്‍ത്തിണക്കിയ ഒരു തിരക്കഥയാണ് ഈ സിനിമയ്ക്ക് വേണ്ടി അനൂപ്‌ മേനോന്‍ എഴുതിയിരിക്കുന്നത്. അശ്ലീല സംഭാഷണങ്ങളും ചില വളിപ്പ് തമാശകളുമൊക്കെ യുക്തിയെ ചോദ്യം ചെയുന്നതാണെങ്കിലും, അവയില്‍ ചിലതൊക്കെ പ്രേക്ഷകരെ ചിരിപ്പിക്കുന്നവായാണ്. ജോജു ജോസഫ് അവതരിപ്പിച്ച ഭരത്ചന്ദ്രന്‍ എന്ന പോലീസ് ഉദ്യോഗസ്ഥന്റെ ചില സംഭാഷണങ്ങളും, തീവ്രവാദികലാകാന്‍ ശ്രമിക്കുന്ന ഒരുക്കൂട്ടം മണ്ടന്മാരും പ്രേക്ഷകരെ ശരിക്കും രസിപ്പിച്ചു. സിനിമയുടെ രണ്ടാം പകുതിയും ക്ലൈമാക്സും എത്തിയപ്പോള്‍, കഥ എങ്ങോട്ട് കൊണ്ടുപോകണം എന്നറിയാത്ത അവസ്ഥയിലായി അനൂപ്‌ മേനോന്‍ എന്നതില്‍ യാതൊരു തര്‍ക്കവുമില്ല. രസകരമായി തന്നെ അവസാനിപ്പിക്കേണ്ട കഥയെ, ബോറന്‍ രംഗങ്ങള്‍ കുത്തിനിറച്ചു പെട്ടന്ന് അവസനുപ്പചത് സിനിമയുടെ ആസ്വാദനത്തെ ദോഷകരമായി ബാധിചു. മറ്റൊരു ബ്യൂട്ടിഫുളിനായാണ് പ്രേക്ഷകര്‍ കാത്തിരിക്കുന്നത് എന്ന് അനൂപ്‌ മേനോന്‍-ജയസുര്യ സംഘ്യം മനസ്സിലാക്കുമെന്ന് കരുതാം.
സംവിധാനം: ബിലോ ആവറേജ്
നല്ലവനും, നമുക്ക് പാര്‍ക്കാനും ശേഷം അജി ജോണ്‍ സംവിധാനം ചെയ്ത ഈ സിനിമ അജിയുടെ മുന്‍കാല സിനിമകളില്‍ നിന്നും ഏറെ വ്യതസ്ഥമാണ്. ലോജിക്കില്ലാത്ത കഥാസന്ദര്‍ഭങ്ങള്‍ രസകരമായി കോര്‍ത്തിണക്കുക എന്ന കര്‍ത്തവ്യം ഒരുപരുധി വരെ അജി ജോണ്‍ ചെയ്തിട്ടുണ്ട്. സിനിമയുടെ ആദ്യപകുതി മികച്ച രീതിയില്‍ തന്നെ സംവിധാനം ചെയ്ത അജി, രണ്ടാം പകുതി കൈവിട്ടു കളഞ്ഞു. ഷാന്‍ റഹ്മാന്റെ പശ്ചാത്തല സംഗീതവും, ജിത്തു ദാമോദറിന്റെ ചായാഗ്രഹണവും അജി ജോണിനെ മികച്ച രീതിയില്‍ സഹായിച്ചിട്ടുണ്ട്. അതുപോലെ, സ്ഥിരം വില്ലന്‍ കഥാപാത്രങ്ങളില്‍ മാത്രം ഒതുങ്ങി നിന്നിരുന്ന ജോജുവിനെ വിഡ്ഢിയായ പോലീസ് കഥാപാത്രവും, ശങ്കര്‍ അവതരിപ്പിച്ച എബി എന്ന കഥാപാത്രവും രസകരമായി. സ്ലാപ്സ്റ്റിക് കോമഡി സിനിമകള്‍ ചെയ്യുമ്പോള്‍, തുടക്കം മുതല്‍ ഒടുക്കം വരെ സ്ലാപ്സ്റ്റിക് കോമഡി തന്നെ വേണം. പൂച്ചക്കൊരു മൂക്കുത്തി, ബോയിംഗ് ബോയിംഗ്, മഴ പെയുന്നു മദ്ദളം കൊട്ടുന്നു എന്നീ സിനിമകള്‍ പോലെ ഈ സിനിമയും അവസാനിക്കും എന്ന പ്രതീക്ഷിച്ച എല്ലാ പ്രേക്ഷകരെയും നിരാശപെടുത്തുന്നതായിരുന്നു ക്ലൈമാക്സ്. മുന്‍കാല സിനിമകളെ അപേക്ഷിച്ച് അജി ജോണ്‍ എന്ന സംവിധനയന്റെ സംവിധാന നിലവാരം ഉയര്‍ന്നിട്ടുണ്ട് ഈ സിനിമയില്‍.
സാങ്കേതികം: എബവ് ആവറേജ്
നാഗരികതയുടെ സമ്പന്നമായ മുഖം മികച്ച രീതിയില്‍ ചിത്രീകരിച്ചു സിനിമയ്ക്ക് ജീവന്‍ നല്‍ക്കുവാന്‍ ചായഗ്രഹകന്‍ ജിത്തു ദാമോദറിന് സാധിച്ചു. ജിത്തു പകര്‍ത്തിയ ദ്രിശ്യങ്ങള്‍ കൂട്ടിയോജിപ്പിച്ചത് സിയാനാണ്. ദ്രുതഗതിയില്‍ മുമ്പോട്ടു നീങ്ങുന്ന ആദ്യപകുതിയിലെ രംഗങ്ങള്‍ കൃത്യമായി കൂട്ടിയോജിപ്പിച്ച സിയാന്‍, നേരെ വിപരീതമായി ഇഴഞ്ഞു നീങ്ങുന്ന രണ്ടാംപകുതിയാണ് സമ്മാനിചത്. സിനിമയിലുടനീളം മികച്ച പശ്ചാത്തല സംഗീതം നല്‍കിയ ഷാന്‍ റഹ്മാന്‍ അഭിനന്ദനം അര്‍ഹിക്കുന്നു. അനൂപ്‌ മേനോന്‍ എഴുതിയ വരികള്‍ക്ക്, ഷാന്‍ സംഗീതം നല്‍കിയ "മഞ്ഞുതീരും" എന്ന ഗാനം സൂപ്പര്‍ ഹിറ്റാക്കുവാനും ഷാനിന്റെ സംഗീതത്തിന് കഴിഞ്ഞിട്ടുണ്ട്. അര്‍ക്കന്‍ കൊല്ലം നിര്‍വഹിച്ച കലാസംവിധാനവും മികവു പുലര്‍ത്തി. ഹസ്സന്‍ വണ്ടൂര്‍ നിര്‍വഹിച്ച മേക്കപ്പും, അസീസ്‌ നിര്‍വഹിച്ച വസ്ത്രാലങ്കാരവും സിനിമയോട് ചേര്‍ന്ന് പോകുന്നു.
അഭിനയം: എബവ് ആവറേജ്
ജിമ്മി എന്ന ഗുണ്ടയുടെ കഥാപാത്രം ജയസുര്യയുടെ രീതിയില്‍ അവതരിപ്പിക്കുവാന്‍ അദേഹത്തിന് സാധിച്ചു. അനൂപ്‌ മേനോന്‍ തന്റെ സ്ഥിരം ശൈലിയില്‍ പ്രേം ശങ്കറിനെ അവതരിപ്പിച്ചു. ഈ സിനിമയിലെ നായകന്മാര്‍ ജയസുര്യയും അനൂപ്‌ മേനോനും ആണെങ്കിലും, മികച്ച പ്രകടനം കാഴവെച്ചത് ശങ്കറും ജോജു ജോസെഫുമാണ്. ഒരുപാട് വര്‍ഷങ്ങളായി നല്ല കഥാപാത്രം ലഭിക്കാതെയിരുന്ന ശങ്കറിന് ലഭിച്ച ഉജ്ജ്വല കഥാപാത്രമാണ് എബി. അതുപോലെ, വില്ലന്‍ വേഷങ്ങള്‍ മാത്രം ചെയ്തിരുന്ന ജോജുവിനും നല്ലൊരു കഥാപാത്രം ലഭിച്ചു. അതുപോലെ നന്ദുവും സൈജു കുറുപ്പും അവരവരുടെ രംഗങ്ങള്‍ മികച്ച രീതിയില്‍ അഭിനയിച്ചു.
സിനിമയുടെ പ്ലസ് പോയിന്റ്സ്:
1. സഭ്യവും അസഭ്യവുമായ ചിരിപ്പിക്കുന്ന സംഭാഷണങ്ങള്‍
2. ഷാന്‍ റഹ്മാന്റെ പശ്ചാത്തല സംഗീതം
3. ജിത്തു ദാമോദറിന്റെ ചായാഗ്രഹണം
4. ജോജു ജോസഫിന്റെയും ശങ്കറിന്റെയും അഭിനയം
സിനിമയുടെ മൈനസ് പോയിന്റ്സ്:
1. ലോജിക്കില്ലാത്ത രംഗങ്ങള്‍
2. ക്ലൈമാക്സ്
3. കെട്ടുറപ്പില്ലാത്ത കഥാസന്ദര്‍ഭങ്ങള്‍
4. ഇഴഞ്ഞുനീങ്ങുന്ന രണ്ടാം പകുതി
ഹോട്ടല്‍ കാലിഫോര്‍ണിയ റിവ്യൂ: രസകരങ്ങളായ മുഹൂര്‍ത്തങ്ങളിലൂടെ കടന്നുപോകുന്ന കഥയും, ലോജിക്കില്ലാത്ത നല്ല തമാശകളും വളിപ്പുകളും, അശ്ലീല സംഭാഷണങ്ങളും രംഗങ്ങളും ഒക്കെയുള്ള "ന്യൂ ജനറേഷന്‍" എന്ന വിശേഷണം അര്‍ഹിക്കുന്ന സിനിമ.
ഹോട്ടല്‍ കാലിഫോര്‍ണിയ റേറ്റിംഗ്: 4.60/10
കഥ, തിരക്കഥ:
5/10[ആവറേജ്]
സംവിധാനം: 3/10 [ബിലോ ആവറേജ്]
സാങ്കേതികം: 3/5 [എബവ് ആവറേജ്]
അഭിനയം: 3/5 [എബവ് ആവറേജ്]
ടോട്ടല്‍:
14/30 [4.6/10]
സംവിധാനം: അജി ജോണ്‍
ഗാനരചന,കഥ, തിരക്കഥ, സംഭാഷണങ്ങള്‍: അനൂപ്‌ മേനോന്‍
നിര്‍മ്മാണം: ജോസ്മോന്‍ സൈമണ്‍
ബാനര്‍: ജയരാജ് ഫിലിംസ്
ചായാഗ്രഹണം: ജിത്തു ദാമോദര്‍
ചിത്രസന്നിവേശം:സിയന്‍
സംഗീതം, പശ്ചാത്തല സംഗീതം: ഷാന്‍ റഹ്മാന്‍
കലാസംവിധാനം: അര്‍ക്കന്‍ കൊല്ലം
മേക്കപ്പ്: ഹസ്സന്‍ വണ്ടൂര്‍
വസ്ത്രാലങ്കാരം: അസീസ്‌ പാലക്കാടന്‍
വിതരണം: ജയരാജ് ഫിലിംസ്
തിരക്കേറിയ ഒരു ബാങ്കും, ബാങ്ക് ജീവനക്കാരും, പണമിടപാടുകള്‍ നടത്തുവാന്‍
ബാങ്കിലെത്തിയ നിരവധി മനുഷ്യരും, അതിനടയില്‍ ബാങ്ക് ആക്രമിച്ചു പണം
തട്ടാന്‍ അവിടെ എത്തിയ ഒരുപറ്റം ചെറുപ്പക്കാരും ലിമോ ബാങ്കില്‍ എത്തുന്ന
ഒരു ദിവസത്തില്‍ സംഭവിക്കുന്ന കാര്യങ്ങളാണ് ബാങ്കിംഗ് അവേഴ്സ് 10 ടു 4 എന്ന ഈ
സിനിമയുടെ കഥ. മകള്‍ മെറിനുമായി ബാങ്കില്‍ എത്തിയ
ജോണ്‍, ഓസ്ട്രേലിയയിലേക്ക് ഉപരി പഠനത്തിനു പോകുന്ന അജയ് വാസുദേവന്‍,
ഒരു പള്ളി വികാരി, മെറിന്റെ കാമുകന്‍ രാഹുല്‍, രാഹുലിന്റെ സുഹൃത്തുക്കളായ
വിഷ്ണു, രഞ്ജിത്ത്, മകളെ തട്ടികൊണ്ടുപോയ സംഘം ആവശ്യപെട്ട തുക എടുക്കുവാന്‍
ബാങ്കില്‍ എത്തിയ ഒരാള്‍, ബാങ്ക് ലോണ്‍ എടുക്കുവാന്‍ വേണ്ടി എത്തിയ നാല്
സുഹൃത്തുക്കള്‍, ബാങ്ക് മോഷണത്തിനായി അവിടെ എത്തിയ മൂവര്‍ സംഘം, ബാങ്ക്
മോഷണത്തെ കുറിച്ച് നേരത്തെ സൂചന ലഭിച്ചതിനെ തുടര്‍ന്ന് അവിടെയെത്തിയ
ശ്രാവണ്‍ വര്‍മ്മ, രേവതി വര്‍മ്മ, അവിനാഷ് ശേഖര്‍, ഇടിക്കുള എന്നീ പോലീസ്
ഉദ്യോഗസ്ഥര്‍, ബാങ്ക് മാനേജര്‍, പ്യൂണ്‍ രവികുമാര്‍, ലക്ഷ്മി എന്ന വീട്ടമ്മ
എന്നിങ്ങനെ നീളുന്നു അന്നേ ദിവസം ബാങ്കിനകത്ത് വന്നവര്‍. തിരക്കേറിയ ആ
ദിവസത്തിനിടയില്‍ ബാങ്കിനകത്ത് വെച്ച് അജയ് വാസുദേവന്‍
കൊല്ലപെടുന്നു. ആരാണ് ആ കൊലപാതകം നടത്തിയത്? എന്തിനാണ് അജയെ അയാള്‍
കൊല്ലുന്നത്? ഈ ചോദ്യങ്ങള്‍ക്ക് ഉത്തരം തേടുന്നത് ശ്രാവണും കൂട്ടരും
ചേര്‍ന്നാണ്.
ശ്രാവണായി അനൂപ്‌ മേനോനും, രേവതി വര്‍മ്മയായി മേഘ്ന രാജും,
അവിനാഷായി ജിഷ്ണുവും, ഇടിക്കുളയായി ടിനി ടോമും, അജയ് വാസുദേവനായി കൈലാഷും,
ജോണായി ശങ്കറും, പള്ളി വികാരിയായി അശോകനും, രാഹുലായി മുന്നയും, വിഷ്ണുവായി
മിഥുനും, പ്യൂണ്‍ രവിയായി സുധീഷും, ബാങ്ക് മാനേജരായി കൃഷ്ണയും, ബാങ്ക്
മോഷണത്തിനെത്തിയവരായി നിഷാന്ത് സാഗറും, അരുണും, കിരണ്‍ രാജും, മെറിനായി
ഷഫ്നയും, ലക്ഷ്മിയായി ലക്ഷ്മിപ്രിയയും അഭിനയിച്ചിരിക്കുന്നു. ലിമോ ഫിലിംസിനു വേണ്ടി ഈ സിനിമ നിര്‍മ്മിച്ചിരിക്കുന്നത് സ്റ്റീഫന്‍
പാത്തിക്കലാണ്. കുറ്റാന്വേഷണ സിനിമകള്‍ സംവിധാനം ചെയ്യുന്നതില്‍ കഴിവ്
തെളിയിച്ച കെ.മധുവാണ് ഈ സിനിമയുടെ സംവിധായകന്. നവാഗതരായ സുമേഷും അമലും
ചേര്‍ന്നാണ് ഈ സിനിമയുടെ രചന നിര്‍വഹിച്ചിരിക്കുന്നത്. സാലൂ ജോര്‍ജാണ്
ചായാഗ്രഹണം. രാജാമണിയാണ് പശ്ചാത്തല സംഗീതം.
കഥ,തിരക്കഥ: മോശം
നവാഗതരായ സുമേഷ്-അമല്‍ ടീമിന്റെ ആദ്യ തിരക്കഥ രചന 2012ലെ ദുരന്തമായി
തീര്‍ന്നു എന്ന് തന്നെ പറയേണ്ടി വരും. ഏതൊരു കുറ്റാന്വേഷണ കഥയുടെ അടിസ്ഥാനം
എന്നത് ലോജിക്കുള്ള കഥയും കഥാസന്ദര്‍ഭങ്ങളുമാണ്. ഈ സിനിമയുടെ കഥയോ
കഥാഗതിയോ ഒന്നും തന്നെ യാതൊരു ലോജിക്ക് ഇല്ലാതെയാണ് മുമ്പോട്ടു
നീങ്ങുന്നത്‌. ബാങ്കിനുള്ളില്‍ കറന്റ് പോകുമ്പോളുള്ള കൂരാകൂരിരുട്ടും,
കൊല്ലപെട്ട വ്യക്തിയുടെ പോസ്റ്റ്‌മാര്‍ട്ടം ബാങ്കിനുള്ളില്‍ വെച്ച് തന്നെ
നടത്തിയതും ഒരല്പം കടന്നകയ്യായി പോയി. അതുപോലെ തന്നെ, കഥയില്‍ യാതൊരു
പ്രയോജനവും ഇല്ലാത്ത കുറെ കഥാപാത്രങ്ങളും സംഭാഷണങ്ങളും സിനിമയെ
കൊന്നൊടുക്കി. സസ്പെന്‍സിന്റെ ആക്കം കൂട്ടുന്നതിനായി യഥാര്‍ത്ഥ പ്രിതിയെ
ആദ്യമൊന്നും സംശയിക്കാതെ മറ്റുള്ളവരെ ചുറ്റിപറ്റിയുള്ള കേസ് അന്വേഷണവും
തിരക്കഥയിലെ ഏറ്റവും മോശമാക്കുന്നതില്‍ സഹായിച്ചു. 2012ല്‍ മലയാള
സിനിമയില്‍ പുറത്തിറങ്ങിയ മോശം സിനിമകളില്‍ ഒന്നാണ് ബാങ്കിംഗ് അവേഴ്സ്.
ഇതിലും ഭേദം സുമെഷിനും അമലിനും മറ്റെതെങ്കിലും ഭാഷയിലുള്ള കുറ്റാന്വേഷണ
സിനിമകളില്‍ നിന്നും മോഷ്ടിക്കാമായിരുന്നു.
സംവിധാനം:മോശം
കെ.മധുവിന്റെ മുന്‍കാല കുറ്റാന്വേഷണ സിനിമകളില്‍ നിന്നും ഏറെ വ്യതസ്തത
പുലര്‍ത്തുന്ന സിനിമയാണ് ബാങ്കിംഗ് അവേഴ്സ്. ബാങ്കിനുള്ളില്‍ ഒരു പകല്‍
നടക്കുന്ന സംഭവങ്ങളാണ് സസ്പെന്‍സ് നിറഞ്ഞ കഥാസന്ദര്‍ഭങ്ങളിലൂടെ
കെ.മധു പ്രേക്ഷകര്‍ക്ക്‌ മുന്നിലെത്തികുന്നത്. സി.ബി.ഐ.ഡയറികുറിപ്പും,
മൂന്നാംമുറയും, ഇരുപതാം നൂറ്റാണ്ടും, ക്രൈം ഫയലും പോലുള്ള സൂപ്പര്‍
സ്റ്റാറുകള്‍ അഭിനയിച്ച സസ്പെന്‍സ് ത്രില്ലര്‍ സിനിമകള്‍ സംവിധാനം ചെയ്ത ആ
പഴയ കെ.മധുവിന്റെ കഴിവുകളൊക്കെ നഷ്ടമായത് പോലെയുണ്ട് ഈ സിനിമ കാണുമ്പോള്‍.
കുറെ കഥാപാത്രങ്ങളും അവരുടെ ഉദ്ദേശങ്ങളും ഓരോ ആളുകളെയായി സംശയിക്കുന്നതും,
അവസാനം എങ്ങനെയൊക്കെയോ കുറെ കാരണങ്ങളുണ്ടാക്കി മറ്റൊരാളെ
കൊലപാതകിയാക്കുന്നു. സിനിമയിലെ പല രംഗങ്ങളും പരിതാപകരമായാണ് സംവിധാനം
ചെയ്തിരിക്കുന്നത്. പ്രഗല്‍ബരായ പല നടന്മാരുടെയും ഏറ്റവും മോശം പ്രകടനം ഈ
സിനിമയിലായതും സംവിധായകന്റെ കഴിവുകേടാണ്. ഇനിയൊരു കെ.മധു സിനിമയും ഇത്രയും
മോശമാകതിരിക്കട്ടെ.
സാങ്കേതികം: ആവറേജ്
സാലൂ ജോര്‍ജാണ് ഈ സിനിമയ്ക്ക് വേണ്ടി രംഗങ്ങള്‍ ചിത്രീകരിച്ചത്. പല
രംഗങ്ങളും ഫോക്കസ് നഷ്ടപ്പെട്ട് പ്രേക്ഷര്‍ക്കു നടീനടന്മാരുടെ മുഖം പോലും
വ്യക്തമാകാതെ വന്നതൊക്കെ സാലൂ ജോര്‍ജിനെ പോലെ ഇത്രയും പ്രശസ്തനായ ഒരാളില്‍
നിന്നും പ്രതീക്ഷിക്കുന്നതല്ല. ചിത്രസന്നിവേശം നിര്‍വഹിച്ചത്
പി.സി.മോഹനനാണ്. മലയാള സിനിമയില്‍ ഇന്നുള്ള കലാകാരന്മാരില്‍ വെച്ച് ഏറ്റവും
പ്രായമുള്ള വ്യക്തിയാണ് പി.സി.മോഹന്‍. തരക്കേടില്ലാത്ത രംഗങ്ങള്‍
കോര്‍ത്തിണക്കുവാന്‍ അദ്ദേഹത്തിനും സാധിച്ചു. രാജാമണിയുടെ പശ്ചാത്തല
സംഗീതമാണ് സാങ്കേതിക വശങ്ങളില്‍ മികച്ചു നിന്നത്. ത്രില്ലടിപ്പിക്കാത്ത
രംഗങ്ങള്‍ക്കിടയില്‍ ഏക ആശ്വാസം എന്നത് പശ്ചാത്തല സംഗീതമായിരുന്നു.
ഇന്ദ്രന്‍സ് ജയന്റെ വസ്ത്രാലങ്കാരവും റഹീമിന്റെ മേക്കപും മോശമായില്ല.
അഭിനയം: ബിലോ ആവറേജ്
അനൂപ്‌ മേനോന്‍, ജിഷ്ണു രാഘവന്‍, കൈലെഷ്, ടിനി ടോം, ശങ്കര്‍, അശോകന്‍,
സുധീഷ്‌, നിഷാന്ത് സാഗര്‍, മുന്ന, വിജയ്‌ മേനോന്‍, മിഥുന്‍ രമേശ്‌, കൃഷ്ണ,
അരുണ്‍, മാസ്റ്റര്‍ അരുണ്‍, ബിയോണ്‍, കിരണ്‍ രാജ്, സത്താര്‍, മജീദ്‌, ചാലി
പാല, റോഷന്‍, ഇര്‍ഷാദ്, രാഘവന്‍, വിജയകൃഷ്ണന്‍, മേഘ്ന രാജ്, വിഷ്ണുപ്രിയ,
സരയൂ, ഷഫ്ന, അംബിക മോഹന്‍, ശ്രീലത, ലക്ഷ്മിപ്രിയ എന്നിവരാണ് ഈ സിനിമയിലെ
അഭിനേതാക്കള്‍. ശ്രാവണ്‍ വര്‍മ്മ എന്ന കുറ്റാന്വേഷകന്റെ കഥാപാത്രം അനൂപ്‌
മേനോന്‍ അദ്ദേഹത്തിന്റെ തനതായ ശൈലിയില്‍ അവതരിപ്പിച്ചു. ടിനി ടോമും,
ജിഷ്ണുവും അവരവുടെ കഥാപാത്രങ്ങളോട് നീതി പുലര്‍ത്തി. കൈലെഷ്, സത്താര്‍,
ശങ്കര്‍ എന്നിവര്‍ അഭിനയം മറന്നുപോയ രീതിയിലാണ് അഭിനയിച്ചത്. മറ്റുള്ള
നടീനടന്മാര്‍ അവരവരുടെ രംഗങ്ങള്‍ ബോറാക്കി മാറ്റാന്‍ ശ്രമിച്ചിട്ടുണ്ട്.
സിനിമയുടെ പ്ലസ് പോയിന്റ്സ്:
1.സസ്പെന്‍സ്
സിനിമയുടെ മൈനസ് പോയിന്റ്സ്:
1.കഥ,തിരക്കഥ
2.സംഭാഷണങ്ങള്‍
3.സംവിധാനം
4.ചായാഗ്രഹണം
5.അഭിനയം
ബാങ്കിംഗ് അവേഴ്സ് 10 ടു 4 റിവ്യൂ: പരിതാപകരമായ കഥാസന്ദര്‍ഭങ്ങളും സംവിധാനവും അഭിനയവും ചായാഗ്രഹണവും ബാങ്കിംഗ്
അവേഴ്സ് എന്ന സിനിമയെ രണ്ടുമണിക്കൂര്‍ ദൈര്‍ഘ്യമുള്ള ബോറിംഗ് അവേഴ്സാക്കി
മാറ്റി.
ബാങ്കിംഗ് അവേഴ്സ് 10 ടു 4 റേറ്റിംഗ്: 2.20/10
കഥ,തിരക്കഥ: 1/10 [മോശം]
സംവിധാനം: 1/10 [മോശം]
സാങ്കേതികം: 2.5/5 [ആവറേജ്]
അഭിനയം: 2/5 [ബിലോ ആവറേജ്]
ടോട്ടല്‍ 6.5/30 [2.2/10]
സംവിധാനം: കെ.മധു
കഥ, തിരക്കഥ, സംഭാഷണം:സുമേഷ്-അമല്‍
നിര്‍മ്മാണം:സ്റ്റീഫന്‍ പാത്തിക്കല്‍
ബാനര്‍: ലിമോ ഫിലിംസ്
ചായാഗ്രഹണം:സാലൂ ജോര്‍ജ്
ചിത്രസന്നിവേശം:പി.സി.മോഹന്‍
പശ്ചാത്തല സംഗീതം: രാജാമണി
കലാസംവിധാനം:സാലൂ കെ. ജോര്‍ജ്
വസ്ത്രാലങ്കാരം:ഇന്ദ്രന്‍സ് ജയന്‍
മേക്കപ്പ്: റഹിം കൊടുങ്ങല്ലൂര്‍
വിതരണം: വൈശാഖ സിനിമാസ്
ഇഷ്ടം, നമ്മള്‍, സ്വന്തം ലേഖകന്‍, ആഗതന്‍ എന്നീ സിനിമകളുടെ
തിരക്കഥകൃത്ത് കലവൂര്‍ രവികുമാര്‍ രചനയും സംവിധാനവും നിര്‍വഹിച്ച സിനിമയാണ്
ഫാദേഴ്സ് ഡേ. അമ്മയും മകനും തമ്മിലുള്ള ആത്മബന്ധത്തിന്റെയും, പിതൃത്വം
അന്വേഷിച്ചുള്ള ഒരു മകന്റെ യാത്രയും പ്രതീകാരവുമാണ് ഫാദേഴ്സ് ഡേ എന്ന
സിനിമയുടെ കഥ. പുതുമുഖം ഷേഹിന്‍ നായകാനായ ഈ സിനിമയില്‍ 2010ലെ മിസ്സ്‌
കേരളയായി തിരഞ്ഞെടുത്ത ഇന്ദു തമ്പിയാണ് നായിക. അമ്മയുടെ വേഷത്തിലെത്തുന്നത്
രേവതിയാണ്‌. ഭരത് ക്രിയേഷന്‍സിന്റെ ബാനറില്‍ ഭരത് സാമുവല്‍ നിര്‍മ്മിച്ച
ഫാദേഴ്സ് ഡേ, കലവൂര്‍ രവികുമാര്‍ സംവിധാനം ചെയ്യുന്ന രണ്ടാമത്തെ സിനിമയാണ്.
എസ.ജി.രാമന്‍ ചായാഗ്രഹണം നിര്‍വഹിച്ച ഈ സിനിമയുടെ ചിത്രസന്നിവേശം
നിര്‍വഹിച്ചത് കെ.ശ്രീനിവാസാണ്. ഓ.എന്‍.വി.കുറുപ്പ്, രാജീവ്‌ ആലുങ്കല്‍,
ബി.ശ്രീലേഖ എന്നിവര്‍ എഴുതിയ പാട്ടിന്റെ വരികള്‍ക്ക് സംഗീതം നല്‍കിയത്
എം.ജി.ശ്രീകുമാര്‍, സജിന്‍ മംഗലത്ത് എന്നിവര്‍ ചേര്‍ന്നാണ്. ഔസേപ്പച്ചനാണ്
പശ്ചാത്തല സംഗീതം.
നാല് വ്യക്തികളുടെ ശാരീരിക പീഡനത്തിനിരയായതിന്റെ മാനസിക
വിഷമം അനുഭവിച്ചുകൊണ്ട് വര്‍ഷങ്ങളായി ജീവിക്കുന്ന സീതാലക്ഷ്മി എന്ന കോളേജ്
അധ്യാപികയെ തേടി, അതെ കോളേജിലേക്ക് ജോസഫ് കെ. ജോസഫ് എന്ന 22 വയസുള്ള ഗവേഷണ
വിദ്യാര്‍ഥി എത്തുന്നു. ചില പ്രത്യേക ലക്ഷ്യവുമായി എത്തുന്ന ജോസഫ്
കെ.ജോസഫിനെ സാഹയിക്കുന്നത് സീതാലക്ഷ്മിയുടെ അനന്തരവളാണ്. സീതാലക്ഷ്മിയുടെ
ജീവിതത്തിലുണ്ടായ ദുരന്തങ്ങളുടെ കാരണക്കാരെ കണ്ടുപിടിക്കുക എന്നതാണ്
ജോസഫിന്റെ ലക്‌ഷ്യം. ജോസഫ് അവരെ കണ്ടുപിടിക്കുമോ, അവരോടു പ്രതികാരം
ചെയ്യുമോ എന്നതാണ് ഈ സിനിമയുടെ കഥ. ജോസെഫായി ഷേഹിനും, സീതലക്ഷ്മിയായി
രേവതിയും അഭിനയിക്കുന്നു. ഇവരെ കൂടാതെ, ലാല്‍, വിനീത്, ശങ്കര്‍, സുരേഷ് കൃഷ്ണ, ജഗതി
ശ്രീകുമാര്‍, വിജയ്‌ മേനോന്‍, ഇടവേള ബാബു, വെട്ടുകിളി പ്രകാശ്, ഓസ്കാര്‍
ജേതാവ് റസൂല്‍ പൂക്കുട്ടി, കെ.പി.എ.സി.ലളിത, റീന ബഷീര്‍, മായ വിശ്വനാഥ്,
ലക്ഷ്മിപ്രിയ എന്നിവരാണ് ഈ സിനിമയിലെ മറ്റു അഭിനേതാക്കള്‍.
കഥ, തിരക്കഥ: എബവ് ആവറേജ്
ആഗതന്‍, നവാഗതര്‍ക്ക് സ്വാഗതം എന്നീ സിനിമകള്‍ക്ക്‌ ശേഷം കലവൂര്‍
രവികുമാര്‍ കഥയും തിരക്കഥയും സംഭാഷണങ്ങളും എഴുതിയ സിനിമയാണ് ഫാദേഴ്സ് ഡേ.
അമ്മയെയും അമ്മയുടെ ഭൂതകാലവും അതിനു കാരണക്കാരെയും അന്വേഷിക്കാനെത്തുന്ന
ഒരു മകന്റെ അമ്മയോടുള്ള സ്നേഹതതിന്റെയും അമ്മയെ ദ്രോഹിച്ചവരോടുള്ള
പ്രതികാരത്തിന്റെയും കഥയാണ് ഫാദേഴ്സ് ഡേ സിനിമയിലൂടെ കലവൂര്‍ രവികുമാര്‍
പറയുവാന്‍ ഉദ്ദേശിച്ചത്. ശക്തമായ ഒരു പ്രമേയവും കഥയും ഈ
സിനിമയ്ക്കുണ്ടെങ്കിലും, കെട്ടുറപ്പില്ലാത്ത കഥാസന്ദര്‍ഭങ്ങളും
സംഭാഷണങ്ങളും ഈ സിനിമയെ ഒരു ശരാശരി സിനിമയാക്കി മാറ്റി. സിനിമയുടെ രണ്ടാം
പകുതിയില്‍ വില്ലനാമാര്‍ മാനസിക സങ്കര്‍ഷം അനുഭവിക്കുന്നതിനു വേണ്ടി ജോസഫ്
പറയുന്ന സംഭാഷണങ്ങളൊന്നും പ്രേക്ഷകരെ ത്രിപ്തിപെടുത്തുന്നില്ല. എന്നാല്‍,
അമ്മയും മകനും തമ്മിലുള്ള സംഭാഷണങ്ങള്‍ മികവു പുലര്‍ത്തിയിട്ടുണ്ട്.
സിനിമയുടെ ക്ലൈമാക്സില്‍ അമ്മ മകനെ തിരിച്ചറിയുന്ന രംഗങ്ങളും മകന്
അമ്മയോടുള്ള സ്നേഹം പ്രകടിപ്പിക്കുന്ന രംഗങ്ങളും ഈ സിനിമയുടെ മികച്ച
രംഗങ്ങളില്‍ പെടുന്നു. ആരും സിനിമയക്കുവാന്‍ ധൈര്യം കാണിക്കാത്ത ഒരു
പ്രമേയം തിരഞ്ഞെടുത്തതിനു കലവൂര്‍ രവികുമാര്‍ പ്രശംസ അര്‍ഹിക്കുന്നു.
സംവിധാനം: ബിലോ ആവറേജ്
തിരക്കഥകൃത്തുക്കള്‍ സംവിധായകരായ ഭൂരിഭാഗം മലയാള സിനിമകളും പരാജയത്തിന്റെ
കയിപ്പറിഞ്ഞവയാണ്. കലവൂര്‍ രവികുമാര്‍ സംവിധാനം ചെയ്ത ഫാദേഴ്സ് ഡേയുടെ
വിധിയും മറിച്ചല്ല. ശക്തമായ ഒരു പ്രമേയം വിശ്വസനീയമായ രീതിയില്‍ സംവിധാനം
ചെയ്യുന്നതില്‍ കലവൂര്‍ രവികുമാര്‍ പരാജയപെട്ടു. അമ്മയും മകനും തമ്മിലുള്ള
ആത്മബന്ധം വെളിവാകുന്ന ക്ലൈമാക്സ് ഉള്‍പ്പടെയുള്ള രംഗങ്ങള്‍ മികച്ച
രീതിയില്‍ സംവിധാനം ചെയ്യുവാന്‍ സാധിച്ച സംവിധായകന്, നായകന്‍ പ്രതികാരം
വീട്ടുന്ന രംഗങ്ങള്‍ നല്ല രീതിയില്‍ ചിത്രീകരിക്കുവാന്‍ സാധിച്ചില്ല.
അതുപോലെ തന്നെ, മികച്ച നടന്മാരായ ലാല്‍, വിനീത്, ജഗതി ശ്രീകുമാര്‍ എന്നിവരെ
പൂര്‍ണമായി ഉപയോഗിക്കുവാനും സാധിച്ചില്ല. മികച്ച രീതിയില്‍ ഈ സിനിമ
സംവിധാനം ചെയ്തിരിന്നുവെങ്കില്‍, ഈ സിനിമ പ്രേക്ഷകര്‍
സ്വീകരിക്കുമായിരുന്നു.
സാങ്കേതികം: ആവറേജ്
എസ.ജെ.രാമന്‍ ചായാഗ്രഹണം നിര്‍വഹിച്ച ഫാദേഴ്സ് ഡേയിലെ ദ്രിശ്യങ്ങള്‍
സിനിമയ്ക്കുതക്കുന്നവയയിരുന്നു. എസ്.ജെ. രാമന്‍ പകര്‍ത്തിയ ദ്രിശ്യങ്ങള്‍
സന്നിവേശം ചെയ്തത് കെ.ശ്രീനിവാസനാണ്. സിനിമയുടെ പലയിടങ്ങളിലും ഇഴച്ചില്‍
അനുഭവപെടുന്ന രീതിയിലാണ് ഈ സിനിമ സന്നിവേശം ചെയ്തിരിക്കുന്നത്. രണ്ടു പാട്ടുകളുള്ള ഈ സിനിമയുക്ക് വേണ്ടി ഓ.എന്‍.വി.കുറുപ്പ്, രാജീവ്‌ ആലുങ്കല്‍,
ബി.ശ്രീലേഖ എന്നിവര്‍ എഴുതിയ വരികള്‍ക്ക് സംഗീതം നല്‍കിയത്
എം.ജി.ശ്രീകുമാര്‍, സജിന്‍ മംഗലത്ത് എന്നിവര്‍ ചേര്‍ന്നാണ്. ഔസേപ്പച്ചനാണ്
പശ്ചാത്തല സംഗീതം.
അഭിനയം: എബവ് ആവറേജ്
നന്ദനം, മിഴിരണ്ടിലും, ഇന്ത്യന്‍ റുപ്പി എന്നീ സിനിമകള്‍ക്ക്‌ ശേഷം
രേവതിയ്ക്ക് ലഭിച്ച ഏറ്റവും മികച്ച കഥാപാത്രമാണ് ഈ സിനിമയിലെ സീതാലക്ഷ്മി.
മനോഹരമായി രേവതി സീതാലക്ഷ്മിയെ അവതരിപ്പിച്ചിട്ടുമുണ്ട്. രേവതിയുടെ മകനായി
അഭിനയിച്ച ഷേഹിന്‍ പ്രേക്ഷകരെ നിരാശപെടുത്താത്ത അഭിനയമാണ് ഈ സിനിമയില്‍
നടത്തിയിരിക്കുന്നത്. അതുപോലെ തന്നെ, വിനീതും, ഇന്ദു തമ്പിയും, ലാലും
അവരവരുടെ കഥാപാത്രങ്ങള്‍ ഭംഗിയാക്കി. എന്നാല്‍ ശങ്കര്‍, സുരേഷ് കൃഷ്ണ,
ഇടവേള ബാബു, വിജയ്‌ മേനോന്‍ എന്നിവരുടെ അഭിനയം പ്രതീക്ഷച്ചതു പോലെ
മികച്ചതായില്ല.
സിനിമയുടെ പ്ലസ് പോയിന്റ്സ്:
1. പ്രമേയം, കഥ
2. ഷേഹിന്‍, രേവതി, വിനീത് എന്നിവരുടെ അഭിനയം
3. ക്ലൈമാക്സ്
സിനിമയുടെ മൈനസ് പോയിന്റ്സ്:
1. സംവിധാനം
2. സംഭാഷണങ്ങള്‍
ഫാദേഴ്സ് ഡേ റിവ്യൂ: ശക്തമായ ഒരു പ്രമേയം തിരഞ്ഞെടുത്ത
കലവൂര്‍ രവികുമാറിന്, നല്ല കഥാസന്ദര്‍ഭങ്ങള്‍ രചിക്കുവാനോ മികച്ച രീതിയില്‍
സിനിമ സംവിധാനം ചെയ്യുവാനോ സാധിച്ചില്ല എന്നതാണ് ഫാദേഴ്സ് ഡേ
ശ്രദ്ധിക്കാപെടാതെ പോകുവാനുള്ള കാരണം.
ഫാദേഴ്സ് ഡേ റേറ്റിംഗ്: 4.80 / 10
കഥ, തിരക്കഥ: 6 / 10 [എബവ് ആവറേജ്]
സംവിധാനം: 3 / 10 [ബിലോ ആവറേജ്]
സാങ്കേതികം: 2.5 / 5 [ആവറേജ്]
അഭിനയം: 3 / 5 [എബവ് ആവറേജ്]
ടോട്ടല്‍: 14.5 / 30 [4.8 / 10]
രചന, സംവിധാനം: കലവൂര്‍ രവികുമാര്‍
നിര്‍മ്മാണം: ഭരത് സാമുവല്‍
ബാനര്‍: ഭരത് ക്രിയേഷന്‍സ്
ചായാഗ്രഹണം: എസ.ജെ.രാമന്‍
ചിത്രസന്നിവേശം: കെ.ശ്രീനിവാസന്‍
വരികള്‍: ഓ.എന്‍.വി.കുറുപ്പ്, രാജീവ്‌ ആലുങ്കല്‍, ബി.ശ്രീലേഖ
സംഗീതം: എം.ജി.ശ്രീകുമാര്‍, സജിന്‍ മംഗലത്ത്
പശ്ചാത്തല സംഗീതം: ഔസേപ്പച്ചന്‍
നാഗരികതയുടെ സമ്പന്നമായ മുഖം മികച്ച രീതിയില്‍ ചിത്രീകരിച്ചു സിനിമയ്ക്ക് ജീവന്‍ നല്‍ക്കുവാന്‍ ചായഗ്രഹകന്‍ ജിത്തു ദാമോദറിന് സാധിച്ചു. ജിത്തു പകര്‍ത്തിയ ദ്രിശ്യങ്ങള്‍ കൂട്ടിയോജിപ്പിച്ചത് സിയാനാണ്. ദ്രുതഗതിയില്‍ മുമ്പോട്ടു നീങ്ങുന്ന ആദ്യപകുതിയിലെ രംഗങ്ങള്‍ കൃത്യമായി കൂട്ടിയോജിപ്പിച്ച സിയാന്‍, നേരെ വിപരീതമായി ഇഴഞ്ഞു നീങ്ങുന്ന രണ്ടാംപകുതിയാണ് സമ്മാനിചത്. സിനിമയിലുടനീളം മികച്ച പശ്ചാത്തല സംഗീതം നല്‍കിയ ഷാന്‍ റഹ്മാന്‍ അഭിനന്ദനം അര്‍ഹിക്കുന്നു. അനൂപ്‌ മേനോന്‍ എഴുതിയ വരികള്‍ക്ക്, ഷാന്‍ സംഗീതം നല്‍കിയ "മഞ്ഞുതീരും" എന്ന ഗാനം സൂപ്പര്‍ ഹിറ്റാക്കുവാനും ഷാനിന്റെ സംഗീതത്തിന് കഴിഞ്ഞിട്ടുണ്ട്. അര്‍ക്കന്‍ കൊല്ലം നിര്‍വഹിച്ച കലാസംവിധാനവും മികവു പുലര്‍ത്തി. ഹസ്സന്‍ വണ്ടൂര്‍ നിര്‍വഹിച്ച മേക്കപ്പും, അസീസ്‌ നിര്‍വഹിച്ച വസ്ത്രാലങ്കാരവും സിനിമയോട് ചേര്‍ന്ന് പോകുന്നു. 
