20 Jun 2013

എ ബി സി ഡി - ജോണി മോനെ ജോണി...ദി ഫിലിം ഈസ്‌ നോട്ട് വെരി ഫണ്ണി! 4.20/10

ജീവിതത്തിന്റെ എരിവും പുളിയും അനുഭവിച്ചറിയുവാനായി മാതാപിതാക്കള്‍ കേരളത്തിലേക്ക്‌ അയച്ച അമേരിക്കന്‍ ബോണ്‍ കണ്‍ഫ്യൂസ്ഡ് ദേസികളായ ജോണ്‍സും കോരയുമാണ്‌ ഈ കഥയിലെ നായകന്മാര്‍. അമേരിക്കയില്‍ ഇരുവരും ചേര്‍ന്നുണ്ടാക്കിയ ഗുരുതരമായ ഒരു പ്രശ്നത്തെ തുടര്‍ന്നു, നാട്ടിലേക്ക് നാടുകടത്തപെട്ട വ്യക്തികളാണ് ജോണ്‍സും കോരയും. അവര്‍ക്കുള്ള മാതാപിതാക്കളുടെ ശിക്ഷയാണ് കേരളത്തിലേക്കുള്ള യാത്രയും പഠനവും. ജോണ്‍സും കോരയും നാട്ടിലെത്തുന്നതോടെ ഇവിടെയും പല പ്രശ്നങ്ങള്‍ അവര്‍ക്ക് അഭിമുഖികരിക്കേണ്ടിവരുന്നു. ആ പ്രശ്നങ്ങള്‍ അവര്‍ എങ്ങനെ തരണം ചെയുന്നു, അതില്‍ നിന്നെല്ലാം അവര്‍ എന്തെല്ലാം പഠിക്കുന്നു, അവര്‍ എങ്ങനെ ജീവിതം മുന്‍പോട്ടു കൊണ്ടുപോകുന്നു എന്നെല്ലാമാണ് എ ബി സി ഡി എന്ന സിനിമയിയുടെ കഥ. ജോണ്‍സ് ആയി യുവാക്കളുടെ ഹരമായി മാറിയ ദുല്‍ഖര്‍ സല്‍മാനും, കോരയായി അക്കരകാഴ്ച്ചകള്‍ ഫെയിം ഗ്രിഗറിയുമാണ് അഭിനയിച്ചിരിക്കുന്നത്.

തമീന്‍സ് പ്രൊഡക്ഷന്‍സിന് വേണ്ടി ഷിബു തമീന്‍സ് നിര്‍മ്മിച്ചിരിക്കുന്ന എ ബി സി ഡി സംവിധാനം ചെയ്തിരിക്കുന്നത് പരസ്യ ചിത്രങ്ങളിലൂടെ സിനിമയിലെത്തിയ മാര്‍ട്ടിന്‍ പ്രകാട്ടാണ്. നവാഗതരായ സൂരജും നീരജും ചേര്‍ന്നെഴുതിയ കഥയ്ക്ക് വേണ്ടി തിരക്കഥയും സംഭാഷണങ്ങളും എഴുതിയത് സംവിധായകന്‍ മാര്‍ട്ടിനും, നവീന്‍ ഭാസ്കറും, സൂരജ്-നീരജും ചേര്‍ന്നാണ്. മലയാള സിനിമയുടെ പുതിയ തലമുറയിലെ സന്തോഷ്‌ ശിവന്‍ എന്ന വിളിക്കുന്ന ജോമോന്‍ ടി. ജോണാണ് ഈ സിനിമയുടെ ചായാഗ്രാഹകന്‍. ഡോണ്‍ മാക്സ് ചിത്രസന്നിവേശവും, ഗോപി സുന്ദര്‍ പശ്ചാത്തല സംഗീതവും പാട്ടുകളുടെ സംഗീതവും നിര്‍വഹിച്ചിരിക്കുന്നു. ഈ സിനിമയിലെ ജോണി മോനെ ജോണി...എന്ന ഗാനം ഇതിനോടകം തന്നെ പ്രേക്ഷക ശ്രദ്ധ നേടിക്കഴിഞ്ഞിട്ടുണ്ട്.

കഥ, തിരക്കഥ: ബിലോ ആവറേജ്
നവാഗതരായ സൂരജ്-നീരജ് ടീമിന്റെ കഥയ്ക്ക്‌ വേണ്ടി തിരക്കഥയും സംഭാഷണങ്ങളും എഴുതിയത് നവീന്‍ ഭാസ്കര്‍, സംവിധായകന്‍ മാര്‍ട്ടിന്‍ പ്രകാട്ട്, സൂരജ്-നീരജ് എന്നിവര്‍ ചേര്‍ന്നാണ്. വിദേശ രാജ്യങ്ങളില്‍ വളര്‍ന്ന ഇന്നത്തെ തലമുറയിലെ കുട്ടികള്‍ക്ക് ജീവിതത്തിന്റെ നല്ലവശങ്ങളെ കുറിച്ച് മാത്രമേ അറിവുള്ളൂ എന്നും, അവര്‍ ജീവിതത്തിലെ ദുര്‍ക്കടമായ പാതയിലൂടെ സഞ്ചരിക്കാത്തവരായത് കൊണ്ട് പ്രാപ്തിയില്ലാത്തവരായി മാറുന്നു എന്നും ഈ സിനിമയുടെ പ്രമേയം ഓര്‍മ്മപെടുത്തുന്നു. അത്തരത്തില്‍ ജീവിച്ചു വരുന്ന രണ്ടു അമേരിക്കന്‍ മലയാളി യുവാക്കളെ കേരളത്തിലേക്ക് അയച്ചു പഠിപ്പിക്കാന്‍ മാതാപിതാക്കള്‍ തീരുമാനിക്കുന്നു. അങ്ങനെ വീട്ടുകാരുടെ നിര്‍ബന്ധപ്രകാരം മനസില്ലാമനസ്സോടെ ഇരുവരും കേരളത്തിലെത്തുന്നു. കേരളത്തിലെ ദുര്‍ക്കടമായ ജീവിതരീതി അവരെ പലതും പഠിപ്പിക്കുന്നു, അങ്ങനെ പ്രാപ്തിയുള്ളവരും എത് സാഹചര്യവും തരണം ചെയ്യാന്‍ കഴിവുള്ളവരുമാകുന്നു. ഇരുവരുടെയും ജീവിതരീതി പലരുടെയും ശ്രദ്ധപിടിച്ചുപറ്റുകയും, അവര്‍ക്ക് പ്രശസ്തി നേടിക്കൊടുക്കയും ചെയുന്നു. പല രാഷ്ട്രീയ നേതാക്കളെക്കാള്‍ ജനസമ്മതി നേടുന്ന അവര്‍ തിരിച്ചറിയുന്ന കുറെ വസ്തുതകളാണ് ഈ സിനിമയിലൂടെ തിരക്കഥകൃത്തുക്കള്‍ പ്രേക്ഷകരിലേക്ക് എത്തിക്കുന്ന സന്ദേശം. പ്രമേയപരമായി മികച്ചതാണെന്ന് തോന്നുനുണ്ടെങ്കിലും, ലോജിക്കില്ലാത്ത കഥാസന്ദര്‍ഭങ്ങളും, അസഭ്യം നിറഞ്ഞ സംഭാഷണങ്ങളും രംഗങ്ങളും, രണ്ടേമുക്കാല്‍ മണിക്കൂര്‍ ദൈര്‍ഘ്യവും പ്രേക്ഷകരെ മുഷിപ്പിച്ചു. കഥയ്ക്ക്‌ അനിയോജ്യമല്ലാത്ത അനിവാര്യമല്ലാത്ത അസഭ്യ സംഭാഷണങ്ങള്‍ ദുല്‍ഖര്‍ സല്‍മാന്റെ ആരാധകരെ പോലും വെറുപ്പിക്കുന്നു. പ്രേക്ഷകരെ രസിപ്പിക്കുവാന്‍ ശ്രമിക്കുന്നതിനിടയില്‍ നല്ലൊരു കഥാസന്ദര്‍ഭങ്ങള്‍ എഴുതുവാന്‍ നവീനും, മാര്‍ട്ടിനും, സൂരജ്-നീരജും ശ്രമിക്കാത്തത് സിനിമയെ ദോഷകരമായി ബാധിച്ചിട്ടുണ്ട്.

സംവിധാനം: ബിലോ ആവറേജ്
ബെസ്റ്റ് ആക്ടര്‍ എന്ന കന്നിചിത്രത്തിനു ശേഷം മാര്‍ട്ടിന്‍ പ്രകാട്ട് സംവിധാനം ചെയ്യുന്ന എ ബി സി ഡി ചര്‍ച്ചചെയ്യുന്ന വിഷയം പുതുമയുള്ളതാണ് എങ്കിലും, ആ സിനിമയോടുള്ള സംവിധായകന്റെ സമീപനം മറ്റൊരു രീതിയിലായിരുന്നു എങ്കില്‍, മറ്റൊരു ഉസ്താദ് ഹോട്ടല്‍ ആകുമായിരുന്നു ഈ ദുല്‍ഖര്‍ സല്‍മാന്‍ ചിത്രം. ഇന്നത്തെ തലമുറ തിരിച്ചറിയുന്ന പല ജീവിത യാഥാര്‍ത്യങ്ങളും വസ്തുതകളുമാണ് ഉസ്താദ് ഹോട്ടലും എ ബി സി ഡി യും ചര്‍ച്ചചെയ്യുന്നത്. അന്‍വര്‍ റഷീദ് എന്ന സംവിധായകന്റെ മികവുകൊണ്ട് ഉസ്താദ് ഹോട്ടല്‍ മികച്ചതായപ്പോള്‍, മാര്‍ട്ടിന്‍ പ്രകാട്ട് എന്ന സംവിധായകന്റെ ലാഘവത്തോടെയുള്ള സമീപനം എ ബി സി ഡി യെ സാരമായി ബാധിച്ചു. ജോമോന്‍ ടി. ജോണ്‍, ഗോപി സുന്ദര്‍, ദുല്‍ഖര്‍ സല്‍മാന്‍, ഗ്രിഗറി, അപര്‍ണ്ണ ഗോപിനാഥ് എന്നിവര്‍ ഈ സിനിമയ്ക്ക് വേണ്ടി നല്‍കിയ സംഭാവനകള്‍ ഒന്നുകൊണ്ടുമാത്രമാണ് എ ബി സി ഡി ഇപ്പോഴും പ്രേക്ഷകരെ ആകര്‍ഷിക്കുന്നത്. ഒരു ആക്ഷേപഹാസ്യപരമായ സിനിമ ചെയ്യുമ്പോള്‍, എല്ലാതരം പ്രേക്ഷകനും മനസ്സിലാകുംവിധം ലളിതമായി പറഞ്ഞുവെങ്കില്‍, പ്രേക്ഷകര്‍ ഈ സിനിമയെ സ്നേഹിക്കുമായിരുന്നു. കുറെ ആഡംബര രംഗങ്ങളും അസഭ്യ സംഭാഷണങ്ങളുമാണ് ന്യൂ ജനറേഷന്‍ എന്ന വിളിക്കുന്ന പ്രേക്ഷകര്‍ പ്രതീക്ഷിക്കുന്നത് എന്ന സംവിധായകന്റെ ചിന്തയാണ് ഈ സിനിമയെ പ്രതികൂലമായി ബാധിച്ചത്.

സാങ്കേതികം: എബവ് ആവറേജ് 
ചുരുങ്ങിയ കാലയളവില്‍ ഏറെ ശ്രദ്ധ നേടിയ രണ്ടു വ്യക്തിത്വങ്ങളാണ് ചായഗ്രഹകാന്‍ ജോമോന്‍ ടി. ജോണും, സംഗീത സംവിധായകന്‍ ഗോപി സുന്ദറും. ഈ സിനിമയുടെ സാങ്കേതിക വശങ്ങളില്‍ ഏറ്റവും മികച്ചു നില്‍ക്കുന്ന മൂന്ന് ഘടഗങ്ങളാണ് വിഷ്വല്‍സും, പാട്ടുകളും, പശ്ചാത്തല സംഗീതവും. അമേരിക്കന്‍ നഗരത്തിന്റെ ആഡംബരമായ ദ്രിശ്യങ്ങളും കേരളത്തിലെ യാഥാര്‍ത്ഥ്യങ്ങളും ഒപ്പിയെടുത്ത ജോമോന്റെ വിഷ്വല്‍സ് സിനിമയ്ക്ക് ഉണര്‍വ് നല്‍കിയിട്ടുണ്ട്. ജോണി മോനെ ജോണി, ശിവനെ...എന്നീ രണ്ടു പാട്ടുകളും കേള്‍ക്കാന്‍ ഇമ്പമുള്ളതായിരുന്നു. സന്തോഷ്‌ വര്‍മയും റഫീക്ക് അഹമ്മദുമാണ് ഗാനരച്ചയ്താക്കള്‍. ഓരോ രംഗങ്ങള്‍ക്കും മികച്ച പശ്ചാത്തല സംഗീതം നല്ക്കുവാനും ഗോപി സുന്ദറിനു സാധിച്ചു എന്നത് പ്രശംസനീയം തന്നെ. ഡോണ്‍ മാക്സ് നിര്‍വഹിച്ച ചിത്രസന്നിവേശം ആദ്യ പകുതിയില്‍ മികവു പുലര്‍ത്തിയെങ്കിലും, രണ്ടാം പകുതിയിലെ രംഗങ്ങള്‍ കോര്‍ത്തിണക്കിയ രീതിയും, രണ്ടേമുക്കാല്‍ മണിക്കൂര്‍ ദൈര്‍ഘ്യവും നിരാശപെടുത്തി. അജയന്‍ മാങ്ങാടിന്റെ കലാസംവിധാനവും, സമീറ സനീഷിന്റെ വസ്ത്രാലങ്കാരവും, രഞ്ജിത്ത് അമ്പാടിയുടെ മേക്കപും പതിവ് പോലെ മികവു പുലര്‍ത്തി.

അഭിനയം:ഗുഡ് 
ജീവിക്കാന്‍ വേണ്ടി ഗുണ്ടയായി മാറുന്ന ലാലു, സ്നേഹത്തോടെ പാചകം ചെയ്തു വിളമ്പുന്ന ഭക്ഷണത്തിനാണ് രുചിയേറുക എന്ന് മനസ്സിലാക്കിയ ഇന്നത്തെ യുവത്വത്തിന്റെ പ്രതിനിദി ഫൈസി, പ്രതികരത്തോടെ ഇരയെ തേടി നടക്കുന്ന ഹര്‍ഷവര്‍ദ്ധന്‍ എന്നീ കഥാപാത്രങ്ങള്‍ക്ക് ശേഷം ദുല്‍ഖര്‍ സല്‍മാന് ലഭിച്ച മറ്റൊരു വ്യതസ്ത വേഷങ്ങളില്‍ ഒന്നാണ് അമേരിക്കന്‍ ബോണ്‍ കണ്‍ഫ്യൂസ്ഡ് ദേസിയായ ജോണ്‍സ് ഐസക്ക്. ഒരു അമേരിക്കന്‍ മലയാളി യുവാവ് എങ്ങനെയോക്കെയാണോ പെരുമാറുന്നത്, അത് അക്ഷരം പ്രതി ശരിവെയ്ക്കു മിതത്വമാര്‍ന്ന അഭിനയമാണ് ദുല്‍ഖര്‍ ഈ സിനിമയില്‍ കാഴ്ചവെച്ചിരിക്കുന്നത്. അക്കരകാഴ്ച്ചകള്‍ എന്ന സീരിയലിലൂടെ പ്രശസ്തനായ ഗ്രിഗറിയും കോര എന്ന കഥാപാത്രത്തെ മികവോടെ അവതരിപ്പിച്ചു. പുതുമുഖം അപര്‍ണ്ണ ഗോപിനാഥാണ് ഈ സിനിമയിലെ നായികയായി അഭിനയിച്ചിരിക്കുന്നത്. അമേരിക്കയിലെ തിയറ്റര്‍ ആര്‍ട്ടിസ്റ്റ് ആയി ശ്രദ്ധ നേടിയപ്പോഴാണ് ഈ സിനിമയിലേക്ക് അവസരം ലഭിക്കുന്നത്. അഭിനയക്കാനറിയാവുന്ന ഒരു നായികയെ കൂടി മലയാള സിനിമയ്ക്ക് ലഭിച്ചിരിക്കുന്നു. ലാലു അലക്സ്, വിജയരാഘവന്‍, റോവിനോ തോമസ്‌, കലാഭവന്‍ നവാസ്, മറിമായം ഫെയിം ശ്രീകുമാര്‍, തമ്പി ആന്റണി, ശിവജി ഗുരുവായൂര്‍, കലാശാല ബാബു എന്നിവരും ഈ സിനിമയില്‍ നന്നായി അഭിനയിച്ചിട്ടുണ്ട്.

സിനിമയില്‍ ഇഷ്ടപെട്ടവ:
1.പ്രമേയം
2.ദുല്‍ഖര്‍ സല്‍മാന്‍-ഗ്രിഗറി ടീമിന്റെ അഭിനയം
3.ഗോപി സുന്ദറിന്റെ സംഗീതം
4.ജോമോന്‍ ടി. ജോണിന്റെ വിഷ്വല്‍സ്

സിനിമയില്‍ ഇഷ്ടപെടാത്തവ:
1.കഥയും കഥാസന്ദര്‍ഭങ്ങളും
2.അസഭ്യമായ തമാശകള്‍
3.സിനിമയുടെ ദൈര്‍ഘ്യം


എ ബി സി ഡി റിവ്യൂ: ദുല്‍ഖര്‍ സല്‍മാന്‍-ഗ്രിഗറി കൂട്ടുകെട്ടിന്റെ രസകരമായ മാനറിസങ്ങളും അവര്‍ക്ക് പറ്റുന്ന അബദ്ധങ്ങളും പ്രേക്ഷകരെ ചിരിപ്പിക്കുന്നുണ്ടെങ്കിലും, അപാകതകള്‍ ഏറെയുള്ള കഥാസന്ദര്‍ഭങ്ങളും അസഭ്യം നിറഞ്ഞ സംഭാഷണങ്ങളും രണ്ടേമുക്കാല്‍ മണിക്കൂര്‍ ദൈര്‍ഘ്യവും എ ബി സി ഡി യെ ഒരുവട്ടം മാത്രം കണ്ടിരിക്കാവുന്ന സിനിമയാക്കുന്നു.

എ ബി സി ഡി റേറ്റിംഗ്: 4.20/10
കഥ, തിരക്കഥ: 3/10 [ബിലോ ആവറേജ്]
സംവിധാനം: 3/10 [ബിലോ ആവറേജ്]
സാങ്കേതികം: 3/5 [എബവ് ആവറേജ്]
അഭിനയം: 3.5/5 [ഗുഡ്]  
ടോട്ടല്‍ 12.5/30 [4.2/10]

സംവിധാനം: മാര്‍ട്ടിന്‍ പ്രകാട്ട്
കഥ: സൂരജ്-നീരജ്
തിരക്കഥ,സംഭാഷണങ്ങള്‍: നവീന്‍ ഭാസ്കര്‍, മാര്‍ട്ടിന്‍ പ്രകാട്ട്, സൂരജ്-നീരജ്
നിര്‍മ്മാണം: ഷിബു തമീന്‍സ്
ബാനര്‍: തമീന്‍സ് പ്രൊഡക്ഷന്‍സ്
ചായാഗ്രഹണം: ജോമോന്‍ ടി. ജോണ്‍
ചിത്രസന്നിവേശം: ഡോണ്‍ മാക്സ്
ഗാനരചന:സന്തോഷ്‌ വര്‍മ്മ, റഫീക്ക് അഹമ്മദ് 
സംഗീതം: ഗോപി സുന്ദര്‍
പശ്ചാത്തല സംഗീതം: ഗോപി സുന്ദര്‍
കലാസംവിധാനം: അജയ് മങ്ങാട്
മേക്കപ്പ്: രഞ്ജിത്ത് അമ്പാടി
വസ്ത്രാലങ്കാരം: സമീറ സനീഷ്
വിതരണം: തമീന്‍സ് റിലീസ്

12 comments:

  1. It's a nice movie

    ReplyDelete
  2. The above review is an utter foolishness. He don't have a sense of humour and ability for criticism. ABCD is a full entertainment movie with good acting, visualizing and editing.

    I am fully dis agree with above review.

    ReplyDelete
  3. Yes...I also agree. The reviewer would like to suppress new talents. Try to be with the generation.

    Please don't make confusion in viewers who want to watch good movies.

    If you don't know the job please stop it.....

    ReplyDelete
  4. Review is bulllshit....its a really fun movie...nice entertainer..

    ReplyDelete
  5. Uttr crap reviews..!! nwadays d self proclaimed reviewers r afraid to admit that they laughd n theatres nd enjoyed a comedy movie..just chek d ratings of all newgeneration critics..they wil give 10/10 for ny new generation crap which failed to gt attention n theatres nd they wnt give pass marks for films which wer appreciated by people n theatres..like honey bee(5/10)..abcd(4.2/10)..nyway stay d way u r..keep rockin..we wil also try to avoid such misleadin reviews..:-)

    ReplyDelete
  6. Abcd z a borin movie. I dnt koe hw I sat in theater to watch dat crap... first galf ws gud nd entertaining bt second half uffo itz juz a crap

    ReplyDelete
  7. Whoever said its a good movie those people can say what are the scenes which makes us laugh...Its average movie where we can just sit and watch once but sometimes boring too

    ReplyDelete
  8. Review is good..An average movie..

    ReplyDelete
  9. zimply lOgicless creep mOvie shame on mallOOOz

    ReplyDelete
  10. എന്റെ ഗിരി ഗിരീ നീ എന്നതാടാ ഈ കാണിച്ചു വച്ചേക്കണേ ..ഹ്ഹോ !!

    ReplyDelete
  11. ABCD is a nice movie.Its a good Entertainer .watch it

    ReplyDelete