എം എല്‍ എ മണി പത്താം ക്ലാസും ഗുസ്തിയും

മലയാള സിനിമയുടെ കറുത്തമുത്ത്‌ ചാലക്കുടി മണി എന്ന കലാഭവന്‍ മണി ആദ്യമായി കഥയെഴുതുകയും പാട്ടുകള്‍ക്ക് സംഗീതം നല്‍ക്കുകയും, അതിനോടൊപ്പം പാട്ടുകള്‍ പാടുകയും, നായകനായി അഭിനയിക്കുകയും ചെയ്ത സിനിമയാണ് എം എല്‍.. എ മണി പത്താം ഗ്ലാസും ഗുസ്തിയും. ആന്‍ മരിയ ഫിലിംസ് ഇന്റര്‍നാഷണലിന്റെ ബാനറില്‍ ജോയ് മുളവനാല്‍ നിര്‍മ്മിച്ച ഈ സിനിമ സംവിധാനം ചെയ്തിരിക്കുന്നത് ശ്രീജിത്ത്‌ പലേരിയാണ്. ബെന്‍ ജോണ്‍സണ് ശേഷം കലാഭവന്‍ മണിയ്ക്ക് വേണ്ടി ടി.എ.ഷാഹിദ് തിരക്കഥയും സംഭാഷണങ്ങളും രചിച്ച ഈ സിനിമയില്‍ ലെനയാണ് നായിക. ശക്തമായ വില്ലന്‍ കഥാപാത്രത്തെ അവതരിപ്പിച്ചുകൊണ്ട് വിജയരാഘവനും ഷമ്മി തിലകനും അഭിനയിക്കുനുണ്ട് ഈ സിനിമയില്‍... മറ്റൊരു സുപ്രധാന കഥാപാത്രത്തെ അവതരിപ്പിക്കുന്നത്‌ സിദ്ദിക്കാണ്. ഇവരെ കൂടാതെ ബാബു നമ്പൂതിരി, ഹരിശ്രീ അശോകന്‍, അരുണ്‍, അബു സലിം, ചെമ്പില്‍ അശോകന്‍, മജീദ്‌, കലാഭവന്‍ ഷാജോണ്‍, ഗീത സലാം, കിരണ്‍ രാജ്, വിദ്യ, സാധിക, അംബിക മോഹന്‍ എന്നിവരുമുണ്ട്. 

രാഷ്ട്രീയ ഗുണ്ടയായിരുന്ന മണി എന്നയാളെ രാഷ്ട്രീയത്തിലെ അയാളുടെ സംരക്ഷകര്‍ തന്നെ ചതിക്കുകയും, ചെയ്യാത്ത കുറ്റത്തിന് ജയില്‍ ശിക്ഷ ഏറ്റെടെക്കുവാന്‍ പ്രേരിപ്പിച്ചു വഞ്ചിക്കുകയും ചെയ്യുന്നു. ജയില്‍ ശിക്ഷ കഴിഞ്ഞു ശിഷ്ടകാലം പെങ്ങള്മൊത്തു നാട്ടില്‍ കൃഷി ചെയ്തു ജീവിക്കാനും തയ്യാറാവുന്ന മണിയെ വില്ലന്മാര്‍ വീണ്ടും വേട്ടയാടുന്നു. ഇതെനെതിരെ ബുദ്ധിപരമായി പ്രതികാരം വീട്ടുന്ന മണി ആദ്യപടി എന്ന നിലയില്‍ അവര്‍ക്കെതിരെ തിരഞ്ഞെടുപ്പിന് മത്സരിക്കുകയും അതില്‍ വിജയിക്കുകയും, അങ്ങനെ മണി എം.എല്‍..എ.മണിയാവുകയും, തുടര്‍ന്ന് വില്ലന്മാര്‍ക്കെതിരെ പ്രതികാരം വീട്ടുന്നതുമാണ് ഈ സിനിമയുടെ കഥ. സുധിയാണ് ഈ സിനിമയുടെ ചായാഗ്രഹണം. മേന്റോസ് ചിത്രസന്നിവേശവും നിര്‍വഹിക്കുന്നു. മുരുകന്‍ കാട്ടക്കടയാണ് പാട്ടുകള്‍ എഴുതിയിരിക്കുന്നത്. 

കഥ, തിരക്കഥ: ബിലോ ആവറേജ്

നടന്‍ കലാഭവന്‍ മണി ആദ്യമായി കഥയെഴുതിയ ഈ സിനിമയ്ക്ക് വേണ്ടി ടി.എ.ഷാഹിദാണ് തിരക്കഥയും സംഭാഷണങ്ങളും രചിച്ചിരിക്കുന്നത്. കലാഭവന്‍ മണിയുടെ സിനിമകളില്‍ നിന്ന് എന്താണോ മണിയുടെ സിനിമകള്‍ കാണുന്ന പ്രേക്ഷകര്‍ പ്രതീക്ഷിക്കുന്നത് അതെല്ലാം ഈ സിനിമയിലുണ്ട്. ബെന്‍ ജോണ്‍സണ്‍ എന്ന സിനിമയുടെ ചേരുവകളെല്ലാം വ്യതസ്ത സാഹചര്യങ്ങളിലൂടെ കഥാപാത്രങ്ങളിലൂടെ പറഞ്ഞുപോകുന്ന സിനിമയാണ് എം എല്‍ എ മണി പത്താം ക്ലാസും ഗുസ്തിയും. ഒരു താരത്തിന്റെ ആരാധകരില്‍ നിന്നും മാത്രം മികച്ച അഭിപ്രായം കേള്‍ക്കുവാന്‍ വേണ്ടി സിനിമയുണ്ടാക്കുക എന്നതാണ് ടി.എ.ഷഹിദ് ഉദ്ദേശിച്ചത് എങ്കില്‍, അതില്‍ അദ്ദേഹം വിജയിച്ചു എന്നത് സത്യമാണ്. പക്ഷെ, ഒരു നല്ല സിനിമയുണ്ടാക്കുന്നതിലും പുതുമയുള്ള കഥസന്ദര്‍ഭങ്ങള്‍ രചിക്കുന്നതിലും ഷാഹിദ് പരാജയപെട്ടു. പ്രവചിക്കനവുന്ന കഥാഗതിയും സംഭാഷണങ്ങളും പ്രേക്ഷകരെ ബോറടിപ്പിച്ചു. കലാഭവന്‍ മണിയുടെ ആരാധകരെ ത്രിപ്പ്തിപെടുത്തുകയും എല്ലാത്തരം നല്ല സിനിമകളും ഇഷ്ടപെടുന്ന പ്രേക്ഷകരെ നിരാശരാക്കതിരിക്കുകയും ചെയ്തിരുന്നുവെങ്കില്‍ മണിയുടെ തന്നെ മികച്ച സിനിമകളില്‍ ഒന്നാകുമായിരുന്നു ഈ സിനിമ.

സംവിധാനം: ബിലോ ആവറേജ്

നവാഗത സംവിധായകന്‍ എന്ന നിലയില്‍ ശ്രീജിത്ത്‌ പലേരിയ്ക്ക് ലഭിച്ച മികച്ച അവസരമാണ് ഈ സിനിമ. തീര്‍ത്തും നിരശപെടുത്തുന്ന സംവിധാന രീതിയാണ് ഈ സിനിമയിലെത്. മറ്റേതു സംവിധായകരെയും പോലെ ഒരു മണി സിനിമ സംവിധാനം ചെയ്തു എന്നതല്ലാതെ മികച്ച അഭിനേതാക്കളെ ലഭിച്ചിട്ടും അവരെ പ്രയോജനപെടുത്തത്ത അവസ്ഥയാണ് പ്രേക്ഷകര്‍ കണ്ടത്. സിദ്ദിക്ക്, ഷമ്മി തിലകന്‍, വിജയരാഘവന്‍ തുടങ്ങിയ നടന്മാരെ നല്ല രീതിയില്‍ ഉപയോഗിച്ചില്ല ശ്രീജിത്ത്‌.... മുന്‍കാല കലാഭവന്‍ മണി സിനിമകളെ അപേക്ഷിച്ച് ഈ സിനിമ ഭേദമാണെങ്കിലും, നല്ലൊരു സിനിമയില്‍ നിന്നും ഏറെ അകലം പാലിക്കുന്ന സിനിമയാണിതും.മറ്റൊരു അവസരം ശ്രീജിത് ലഭിക്കട്ടെ! 

സാങ്കേതികം: ആവറേജ്

കലാഭവന്‍ മണി സംഗീതം നല്‍ക്കിയ രണ്ടു ഗാനങ്ങളും കേള്‍ക്കാന്‍ ഇമ്പമുള്ളതാണ്. മുരുകന്‍ കാട്ടക്കടയാണ് വരികള്‍ എഴുതിയിരിക്കുന്നത്. സുധി നിര്‍വഹിച്ച ചായഗ്രഹണവും മേന്റോസ് കൂട്ടിയോജിപിച്ച ദ്രിശ്യങ്ങളും ശരാശരി നിലവാരം പുലര്‍ത്തുന്നവയാണ്. 

അഭിനയം: ആവറേജ്

കലാഭവന്‍ മണിയുടെ സ്ഥിരം മാനറിസങ്ങളെല്ലാം ഈ സിനിമയില്‍ ആരാധകര്‍ക്ക് കാണുവാന്‍ സാധിക്കുമെങ്കിലും, മികച്ച സംഭാഷണങ്ങളോ, ത്രില്ലടിപ്പിക്കുന്ന രംഗങ്ങളോ ഇല്ലാത്തതിനാല്‍ അതൊന്നും പ്രേക്ഷകരിലേക്ക് എത്തുന്നില്ല. വില്ലന്‍ വേഷത്തിലെത്തിയ വിജയരാഘവനും ഷമ്മി തിലകനും, നായക തുല്യമായ റോളില്‍ എത്തിയ സിദ്ദിക്കും മികച്ച അഭിനയം കാഴ്ചവെച്ചു. ഇവരോടൊപ്പം ബാബു നമ്പൂതിരിയും ലെനയും അവരവരുടെ റോളുകള്‍ മോശമക്കാതെ അവതരിപ്പിച്ചു. ഹരിശ്രീ അശോകന്‍ തന്റെ സ്ഥിരം കോമഡി നമ്പറുകള്‍ ഇറക്കിയെങ്കിലും അതൊന്നും പ്രേക്ഷകര്‍ക്ക്‌ ദഹിച്ചില്ല. 

സിനിമയുടെ പ്ലസ്‌ പോയിന്റ്സ്:

1. കലാഭവന്‍ മണി

2. പാട്ടുകള്‍

സിനിമയുടെ മൈനസ് പോയിന്റ്സ്:

1. കഥ, തിരക്കഥ

2. സംവിധാനം

എം എല്‍ എ മണി പത്താം ക്ലാസും ഗുസ്തിയും റിവ്യൂ: കലാഭവന്‍ മണി എന്ന നടന്റെ ആരാധര്‍ക്ക് ഇഷ്ടമാവുന്ന എല്ലാ ചേരുവകളും ചേര്‍ത്ത സാധാരണ ഒരു മണി പടം! 

എം എല്‍ എ മണി പത്താം ക്ലാസും ഗുസ്തിയും റേറ്റിംഗ്: 3.60 / 10
കഥ, തിരക്കഥ: 3 / 10[ബിലോ ആവറേജ്]
സംവിധാനം: 3 / 10[ബിലോ ആവറേജ്]
സാങ്കേതികം: 2.5 / 5[ആവറേജ്]
അഭിനയം: 2.5 / 5[ആവറേജ്] 
ടോട്ടല്‍ 11 / 30 [3.6 /10]

സംവിധാനം: ശ്രീജിത്ത്‌ പലേരി

കഥ, സംഗീതം: കലാഭവന്‍ മണി 

തിരക്കഥ, സംഭാഷണങ്ങള്‍::: ടി.എ. ഷാഹിദ്

നിര്‍മ്മാണം: ജോയ് മുളവനാല്‍

ചായാഗ്രഹണം: സുധി

ചിത്രസന്നിവേശം:മേന്റോസ്

വരികള്‍: മുരുകന്‍ കാട്ടാക്കട