25 Feb 2012

ഈ അടുത്ത കാലത്ത്


കുപ്പയില്‍ നിന്നും ചവറു സാധനങ്ങള്‍ എടുത്തു കുട്ടികള്‍ക്കായി കളിപ്പാട്ടങ്ങള്‍ ഉണ്ടാക്കി കൊടുക്കുന്ന വിഷ്ണു, മാനസിക പ്രശ്നങ്ങള്‍ കൊണ്ട് കുടുംബ ജീവിതം തകര്‍ന്നു നില്‍കുന്ന ഡോക്ടര്‍ അജയ് കുര്യന്‍, ഭര്‍ത്താവിന്റെ മാനസിക പീഡനം സഹിക്കാനാവാതെ ജീവിക്കുന്ന മാധുരി, ഒരു കുറ്റവാളിയെ പോലും പിടികൂടനാവാതെ സഹപ്രവര്‍ത്തകരുടെ പരിഹാസപാത്രമായ കമ്മിഷണര്‍ ടോം ചെറിയാന്‍, നീലച്ചിത്ര നിര്‍മ്മാണത്തിന്റെ പ്രധാന കണ്ണിയായ റുസ്തം എന്നിവരെല്ലാവരും ഒരേ നഗരത്തില്‍ ജീവിക്കുന്ന മനുഷ്യരാണ്. ഇന്നത്തെ സമൂഹത്തില്‍ നടന്നുകൊണ്ടിരിക്കുന്ന, എന്നാല്‍ നമ്മളാരും അറിയാതെ പോകുന്ന കുറെ സംഭവങ്ങളും, അതില്‍ അറിഞ്ഞും അറിയാതെയും പെട്ടുപോകുന്ന കുറെ ജീവിതങ്ങളുടെയും കഥയാണ് ഈ അടുത്ത കാലത്ത്. നമ്മുക്ക് പാര്‍ക്കാന്‍ മുന്തിരിത്തോപ്പുകള്‍, ഭ്രമരം എന്നീ സിനിമകള്‍ നിര്‍മ്മിച്ച രാഗം മൂവീസ് ആണ് ഈ അടുത്ത കാലത്ത് എന്ന സിനിമ നിര്‍മ്മിച്ചിരിക്കുന്നത്. കോക്ക്ടെയില്‍ എന്ന സിനിമയ്ക്ക് ശേഷം അരുണ്‍ കുമാര്‍ അരവിന്ദ് സംവിധാനം ചെയ്ത ഈ സിനിമയുടെ രചന നിര്‍വഹിച്ചത് ഭരത് ഗോപിയുടെ മകന്‍ മുരളി ഗോപിയാണ്. അരുണ്‍ കുമാറിന്റെ സംവിധാനവും ചിത്രസന്നിവേശവും, മുരളി ഗോപിയുടെ തിരക്കഥയും കഥാപാത്രരൂപികരണവും, ഗോപി സുന്ദര്‍ ഒരുക്കിയ പശ്ചാത്തല സംഗീതവും, ഇന്ദ്രജിത്ത്, തനുശ്രീ ഘോഷ്, അനൂപ്‌ മേനോന്‍, ലെന, മുരളി ഗോപി എന്നിവരുടെ അഭിനയവും ഈ സിനിമയുടെ പ്രധാന സവിശേഷതകളാണ്.

തോപ്പില്കൊടി എന്ന ചവറുകൂപ്പയില്‍ നിന്നും പഴയ കുപ്പി പാട്ട എന്നിവ എടുത്തു കുട്ടികള്‍ക്കായി കളിപ്പാട്ടങ്ങള്‍ ഉണ്ടാക്കി വില്കുന്ന വിഷ്ണുവിന് ഒരിക്കല്‍ അവിടെ നിന്നും റൂബിക്സ് ക്യൂബ് ലഭിക്കുന്നു.റൂബിക്സ് ക്യൂബ് എന്നാല്‍ എല്ലാ വശങ്ങളും പല നിറങ്ങളുള്ള ക്യൂബ് ആകൃതിയിലുള്ള ഒരു വസ്തു.അതിലെ എല്ലാ നിറങ്ങളും ഒരേ വരിയില്‍ കൊണ്ടുവരാന്‍ സാധിച്ചാല്‍ ആ കളിയില്‍ നമ്മള്‍ വിജയിക്കും. കളി തുടങ്ങുന്നതിനു മുമ്പ് നമ്മളുടെ എല്ലാവരുടെയും ജീവിതത്തിലെ താളപിഴകള്‍ പോലെ പല പല നിറങ്ങള്‍ വേറെ വേറെ കള്ളികളിലായിരിക്കും.ഈ സിനിമയിലെ വ്യതസ്ത ശ്രേണിയില്‍ ജീവിക്കുന്ന മനുഷ്യരുടെ ജീവിതം റൂബിക്സ് ക്യൂബ് കളിയുമായി സമാനതകള്‍ ഏറെയുണ്ട് എന്നാണ് തിരക്കഥകൃത്ത്  ഉദ്ദേശിച്ചിരിക്കുന്നത്.മാനസിക പ്രശങ്ങള്‍ കാരണം കുടുംബ ജീവിതം തകര്‍ന്നു ഭാര്യയുമായി മുഴുവന്‍ സമയവും വഴിക്കിട്ടു ജീവിക്കുന്ന അജയ് കുരിയനും, അയാളുടെ പീഡനങ്ങള്‍ സഹിച്ചു ജീവിക്കുന്ന മാധുരിയും,നീലച്ചിത്ര നിര്‍മ്മാണത്തിനായി സ്ത്രീകളെ പിന്തുടരുന്ന റുസ്തം എന്ന യുവാവും,പോലിസ് കമ്മിഷണര്‍ ടോം ചെറിയാനും, പത്രപ്രവര്‍ത്തകയും മാധുരിയുടെ സുഹൃത്തുമായ രൂപയും,കുപ്പയില്‍ നിന്നും ചവറു സാധനങ്ങള്‍ എടുക്കുന്ന വിഷ്ണുവും കാരണം ചില അവിചാരിതമായ സംഭവങ്ങള്‍ ഉണ്ടാകുകയും,ആ സംഭവങ്ങള്‍ കാരണം അവരെല്ലാവരും കുഴപ്പത്തിലാകുകയും ചെയ്യുന്നു. ആ പ്രശ്നങ്ങള്‍ എങ്ങനെ അവര്‍ തരണം ചെയ്യുന്ന എന്നതാണ് ഈ സിനിമയുടെ കഥയും സസ്പെന്‍സും. വിഷ്ണുവായി ഇന്ദ്രജിത്തും, അജയ് കുരിയനായി മുരളി ഗോപിയും, മാധുരിയായി തനുശ്രീ ഘോഷും, ടോം ചെറിയാനായി അനൂപ്‌ മേനോനും, രൂപയായി ലെനയും, റുസ്തം ആയി അപൂര്‍വ രാഗം ഫെയിം നിഷാനും അഭിനയിച്ചിരിക്കുന്നു.

കഥ-തിരക്കഥ: ഗുഡ്
അനശ്വരനായ ഭരത് ഗോപിയുടെ മകന്‍ മുരളി ഗോപിയാണ് ഈ അടുത്ത കാലത്ത് എന്ന സിനിമയ്ക്ക് വേണ്ടി കഥ തിരക്കഥ സംഭാഷണങ്ങള്‍ എഴുതിയത്. രസികന്‍ എന്ന ദിലീപ് ലാല്‍ജോസ് സിനിമയ്ക്ക് ശേഷം മുരളി എഴുതിയ ഈ സിനിമയുടെ പ്രധാന സവിശേഷത എന്നത് കഥയാണ്. ഒരേ നഗരത്തില്‍ ജീവിക്കുന്ന കുറെ മനുഷ്യര്‍ ചെയ്യുന്ന പ്രവര്‍ത്തികള്‍ അവര്‍ പോലും അറിയാതെ മറ്റുള്ളവരെ ബാധിക്കുകയും, ആ പ്രശ്നങ്ങളില്‍ നിന്നും എങ്ങനെയെല്ലാം അവര്‍ രക്ഷപെടുന്നു എന്നതുമാണ്‌ ഈ സിനിമയുടെ കഥ. വിശ്വസനീയമായ സംഭവങ്ങളിലൂടെ കടന്നുപോകുന്ന കഥ, പ്രേക്ഷകരെ ആകാംഷയുടെ മുള്ള്മുനയില്‍ എത്തിക്കുന്നു. റൂബിക്സ് ക്യൂബും ജീവിതവുമായി ബന്ധപെടുതിയത് കൊണ്ട് കഥയില്‍ പ്രേക്ഷകര്‍ക്ക്‌ കൂടുതല്‍ വിശ്വാസം വരുത്തുവാന്‍ മുരളിയ്ക്ക് സാധിച്ചു. ഓരോ കഥാപാത്രങ്ങള്‍ക്കും അനിയോജ്യമായ കഥാസന്ദര്‍ഭങ്ങളും സംഭാഷണങ്ങളും നല്‍കിയതാണ് ഈ സിനിമയുടെ മറ്റൊരു സവിശേഷത. കഥയില്‍ പ്രാധാന്യമില്ലാത്ത രംഗങ്ങള്‍ ഇല്ലാത്തതും, അനാവശ്യമായ കോമാളിത്തരങ്ങള്‍ തിരക്കഥയില്‍ നിന്നും ഒഴിവാക്കിയതും പ്രേക്ഷകര്‍ക്ക്‌ പുതുമ നല്‍ക്കി. സിനിമയിലെ കുറെ രംഗങ്ങള്‍ പച്ചയായി കാണിച്ചത് കൊണ്ട് കുടുംബ പ്രേക്ഷകര്‍ ഈ സിനിമ ആസ്വദിക്കുമോ എന്നൊരു ചിന്ത മുരളി ഗോപിയ്ക്ക് ഉണ്ടായിരിന്നു കാണുമോ എന്നറിയില്ല. എന്നരിന്നാലും മുരളി ഗോപി എന്ന തിരക്കതകൃത്തു മലയാളി സിനിമയ്ക്ക് ഒരു വാഗ്ദാനം ആണെന്ന് തെളിയിച്ചിരിക്കുകയാണ് ഈ സിനിമയിലൂടെ. 
 


സംവിധാനം: ഗുഡ്
കോക്ക്ടെയില്‍ എന്ന ആദ്യ സിനിമയിലൂടെ തന്നെ നല്ലൊരു സംവിധായകനെന്ന് തെളിയിച്ച അരുണ്‍ കുമാര്‍ അരവിന്ദിന്റെ രണ്ടാമത്തെ സംവിധാന സംരംഭമാണ് ഈ
അടുത്ത കാലത്ത്. രണ്ടാമത്തെ സിനിമയിലും പ്രേക്ഷകരെ ആസ്വദിപ്പിക്കുവാനും ത്രില്ലടിപ്പിക്കുവാനും അരുണ്‍ കുമാറിന് സാധിച്ചു. ഏതൊരു സംവിധായകനും വെല്ലുവെളി ഉയര്‍ത്തുന്ന രീതിയിലുള്ള ഒരു കഥയാണ് ഈ സിനിമയുടേതു. വിശ്വസനീയമായ രീതിയില്‍ ഈ സിനിമ സംവിധാനം ചെയ്തില്ലായിരുന്നു എങ്കില്‍ പ്രേക്ഷകര്‍ ഈ സിനിമയെ സ്വീകരിക്കുമായിരുന്നില്ല. ഓരോ വ്യക്തികളുടെയും ജീവിതം കോര്‍ത്തിണക്കിയ രീതിയിലാണ് ഈ സിനിമയുടെ കഥ മുമ്പോട്ടു പോകുന്നത്. ആ രംഗങ്ങളെല്ലാം നല്ല രീതിയില്‍ സംവിധാനം ചെയ്യുകയും മനോഹരമായി കൂട്ടിയോജിപ്പികുയും ചെയ്തിരിക്കുകയാണ് ചിത്രസന്നിവേശകന്‍ കൂടിയായ സംവിധായകന്‍ അരുണ്‍ കുമാര്‍. മലയാള ഭാഷ അറിയാത്ത അഭിനേത്രി തനുശ്രീ എന്ന നടിയെയും അപൂര്‍വ രാഗം ഫെയിം നിഷാനെയും ഈ സിനിമയില്‍ അഭിനയിപ്പിച്ച രീതി പ്രശംസനീയം തന്നെ. അതുപോലെ തന്നെ ഓരോ കഥാപാത്രങ്ങള്‍ക്കും അനിയോജ്യരായ നടീനടന്മാരെ അഭിനയിപ്പിച്ചതാണ് സംവിധായകന്‍ എന്ന നിലയില്‍ അരുണ്‍ കുമാര്‍ ചെയ്ത മികച്ച കാര്യങ്ങളില്‍ ഒന്ന്. സംവിധായകനെന്ന നിലയില്‍ അരുണ്‍ ശ്രദ്ധിക്കാതെ പോയ ഒരേയൊരു കാര്യം എന്നത് ഈ സിനിമയുടെ 2 മണിക്കൂര്‍ 45 മിനിറ്റ് ദൈര്‍ഘ്യമാണ്. ത്രില്ലര്‍ ഗണത്തില്‍ പെടുന്ന സിനിമകളുടെ ദൈര്‍ഘ്യം ആ സിനിമയുടെ ആസ്വാദനതിനെ ദോഷകരമായി ബാധിച്ചേക്കാം. 

സാങ്കേതികം: ഗുഡ്
ഈ സിനിമയിലെ സാങ്കേതിക വശങ്ങളില്‍ ഏറ്റവും മികച്ചു നില്‍ക്കുന്നത് ഗോപി സുന്ദര്‍ ഒരുക്കിയ പശ്ചാത്തല സംഗീതമാണ്. ഓരോ രംഗങ്ങള്‍ക്ക് അനിയോജ്യമായ സംഗീതം ഒരുക്കിയത് കൊണ്ട് പ്രേക്ഷകര്‍ക്ക്‌ ആ രംഗങ്ങളെല്ലാം ത്രില്ലിങ്ങായി അനുഭവപെട്ടു. ചായഗ്രഹകന്‍ ഷേഹ്നാദ് ജലാല്‍ ഒരിക്കിയ ദ്രിശ്യങ്ങള്‍ ഈ സിനിമയ്ക്ക് ഏറെ ഗുണം ചെയ്തിട്ടുണ്ട്. ആ രംഗങ്ങളെല്ലാം കൃത്യമായി കൂട്ടിയോജിപ്പിച്ച സംവിധായകന്‍ അരുണും മികവു പുലര്‍ത്തി.


അഭിനയം: ഗുഡ്
ഇന്ദ്രജിത്ത്, മുരളി ഗോപി, അനൂപ്‌ മേനോന്‍, നിഷാന്‍, ജഗതി ശ്രീകുമാര്‍, ബൈജു, ദിനേശ് പണിക്കര്‍, ഇന്ദ്രന്‍സ്, മണികണ്ടന്‍, തനുശ്രീ ഘോഷ്, മൈഥിലി, ലെന, ശാന്തകുമാരി എന്നിവരാണ് ഈ സിനിമയിലെ അഭിനേതാക്കള്‍. ഇന്ദ്രജിത്തും, തനുശ്രീ ഘോഷും, അനൂപ്‌ മേനോനും, ലെനയും, മുരളി ഗോപിയും, ജഗതി ശ്രീകുമാറും മനോഹരമായ അഭിനയമാണ് കാഴ്ച്ചവെചിരിക്കുന്നത്. കുറെ നാളുകള്‍ക്കു ശേഷം ഇന്ദ്രജിത്തിന് ലഭിക്കുന്ന നല്ലൊരു കഥാപാത്രമാണ് ഈ സിനിമയിലെ വിഷ്ണു. തിരുവനന്തപുരം നഗരത്തിലെ ഭാഷ നന്നായിത്തന്നെ കൈകാര്യം ചെയ്തിരിക്കുന്നു ഇന്ദ്രജിത്ത്. മലയാള ഭാഷ അറിയാത്ത തനുശ്രീ ഘോഷ് എന്ന നടിയും മികച്ച അഭിനയമാണ് ഈ സിനിമയില്‍ നടത്തിയിരിക്കുന്നത്. അനൂപ്‌ മേനോനും, ലെനയും, ജഗതി ശ്രീകുമാറും, മുരളി ഗോപിയും അവരവരുടെ കഥാപാത്രങ്ങള്‍ മികവുറ്റതാക്കി. അതുപോലെ തന്നെ നിഷാനും ബൈജുവിനും ലഭിച്ച ഏറ്റവും മികച്ച കഥാപാത്രങ്ങളാണ് ഈ സിനിമയിലെത്.    

സിനിമയുടെ പ്ലസ്‌ പോയിന്റ്സ്:
1.അരുണ്‍ കുമാറിന്റെ സംവിധാനം, ചിത്രസന്നിവേശം
2.മുരളി ഗോപിയുടെ തിരക്കഥയും, കഥാപാത്ര രൂപികരണവും
3.ഗോപി സുന്ദര്‍ ഒരുക്കിയ പശ്ചാത്തല സംഗീതം
4.തനുശ്രീ ഘോഷ്, ഇന്ദ്രജിത്ത്, അനൂപ്‌ മേനോന്‍, ലെന, മുരളി ഗോപി എന്നിവരുടെ അഭിനയം
5.സസ്പെന്‍സ് നിലനിര്‍ത്തിയിരിക്കുന്ന രീതി  


സിനിമയുടെ മൈനസ് പോയിന്റ്സ്:
1.സിനിമയുടെ ദൈര്‍ഘ്യം
2.കുടുംബ പ്രേക്ഷകര്‍ക്ക്‌ ദഹിക്കാത്ത ചില രംഗങ്ങള്‍ 


ഈ അടുത്ത കാലത്ത് റിവ്യൂ: പുതുമകള്‍ കാണുവാന്‍ ആഗ്രഹിക്കുന്ന സിനിമ പ്രേക്ഷകരെ കഥാവസാനം വരെ ആകാംഷയുടെ മുള്ള്മുനയില്‍ നിര്‍ത്തികൊണ്ട് ത്രില്ലടിപ്പിക്കാന്‍ സാധിച്ച തിരക്കഥകൃത്ത് മുരളി ഗോപിയ്ക്കും, സംവിധായകന്‍ അരുണ്‍ കുമാറിനും, പശ്ചാത്തല സംഗീതം ഒരുക്കിയ ഗോപി സുന്ദറിനും, നടിനടന്മാരായ ഇന്ദ്രജിത്തിനും അനൂപ്‌ മേനോനും മുരളി ഗോപിയ്ക്കും തനുശ്രീ ഘോഷിനും ലെനയ്ക്കും അഭിനന്ദനങ്ങള്‍! 

ഈ അടുത്ത കാലത്ത് റേറ്റിംഗ്: 7.00 / 10
കഥ-തിരക്കഥ: 7 / 10 [ഗുഡ്]
സംവിധാനം: 7 / 10 [ഗുഡ്]  
സാങ്കേതികം: 3.5 / 5 [ഗുഡ്]  
അഭിനയം: 3.5 / 5 [ഗുഡ്]
ആകെ മൊത്തം: 21 / 30 [7 / 10]


ചിത്രസന്നിവേശം, സംവിധാനം: അരുണ്‍ കുമാര്‍ അരവിന്ദ്
നിര്‍മ്മാണം: രാജു മല്ലിയത് രാഗം മൂവീസ്
രചന: മുരളി ഗോപി
ചായാഗ്രഹണം: ഷേഹ്നാദ് ജലാല്‍
സംഗീതം, പശ്ചാത്തല സംഗീതം: ഗോപി സുന്ദര്‍
ശബ്ദമിശ്രണം: രാധാകൃഷ്ണന്‍

2 comments:

  1. EE ADUTTA KALATTU -
    brilliant movie ....must watch

    film was jus awsume....malayala cinemayil oru maatatinte tudakkamanu itu polatte padangal...
    3 sideil ninnum kadha paranju nalla vedipode tanne link cheytu kondu pokan sadichatu...arun kumar inte vijayam....
    perforamce wise...indrajith oru vann sambavam tanne....chela xpressions okke asaadyam...

    positives:

    direction [ simply suprbe]
    script [ by murali menon...oru english padattil maatram kanunna oru paadu twists undu...swantam script aanenkl...ingeru oru sambavam aanu ]
    bgm [ by gopi sundar ....pala situations ilum thrilling mood kondu vannu]
    INDRAJITH [ brilliant ]
    murali , anoop , lena , jagaty , nishal did their part to the bst
    songs
    ending scenes \m/\m/

    negetives:

    bit lengthy...1st half chela stalangalil drag cheytu
    kuree kidilam tundu dialogues....1 or 2 scenes...kuree teri vilikal [ for youth ..really enjoyable nalla kayyadiyumayirunnu...but for family audience...nalla over aayi poyi ]

    verdict : for young generation , its a block buster...
    for family audience , kurachu scenes and dialogues cut cheytal , its an entertainer

    theatre response : padam kazhinjappam kayyadi undayirunnu

    theatreil nalla kayyadi vaariya scene:
    nano car ine lurichu cinemayi ulla dialogue [ by jagaty] ...
    1 laksham roopayude car...2ndu laksham roopakku eduttu...1.5 laksham roopayude paniyum cheytu
    iniyullatokke artam vachullatanu..atu kandu tanne ariyanam ;)

    ellavarkkum padam istapedanamennilla...chapakurishu, cocktail , city of god poleyokke ulla oru vetyatamaya chitramanu....wheter u like or not ..all depends on ur taste...
    neways jus go for it... \m/\m/

    ReplyDelete
  2. yes this is a super film & and real insident

    ReplyDelete