13 Jul 2011

സോള്‍ട്ട് ആന്‍ഡ്‌ പെപ്പര്‍

കാളിദാസന്‍ ഒരു ഭക്ഷണപ്രിയനാണ്. രുചിയുള്ള ഏതു ഭക്ഷണവും സ്വന്തമായി പാചകം ചെയ്തു പരിക്ഷണം നടത്തുക്ക എന്നതാണ് കാളിദാസന്റെ ഇഷ്ട വിനോദം. കല്യാണപ്രായം കഴിഞ്ഞിട്ടും കല്യാണം ആലോചിക്കാനോ.., ഒരാളെ കണ്ടെത്താനോ ശ്രമിക്കാത്തത് ഇഷ്ടന് ഭക്ഷണത്തോടുള്ള പ്രിയം തന്നെയാണ്. പണ്ടൊരിക്കല്‍ പെണ്ണ് കാണാന്‍ പോയ വീട്ടിലെ ഭക്ഷണം ഇഷ്ടപെട്ടത് കൊണ്ട് ആ വീട്ടിലെ വേലക്കാരനായ ബാബുവിനെ കൂടെക്കൂട്ടി വീട്ടില്‍ താമസിപ്പിച്ചയാളാണ് കാളിദാസന്‍. കാളിദാസന്റെ വീട്ടില്‍ കാളിദാസനും, ബാബുവും, കാട്ടിലെ ആദിവാസികളുടെ മൂപ്പനുമാണ് താമസം. നല്ലരീതിയില്‍ കാട്ടിലെ ഭക്ഷണം ഉണ്ടാക്കാന്‍ അറിയാം എന്ന കാരണത്താല്‍ കാട്ടില്‍ നിന്നും മൂപ്പനെ കാളിദാസന്‍ കൊണ്ടുവരുകയാണ് ചെയ്തത്. ഇവരുടെ കൂടെ താമസത്തിന് കാളിദാസന്റെ സഹോദരിപുത്രന്‍ മനു രാഘവ് എത്തുന്നു. ജീവിതത്തില്‍ യാതൊരു ലക്ഷ്യബോധമില്ലത്ത മനുവിന്റെ വരവോടെ കാളിദാസന്റെ ജീവിതത്തില്‍ കുറെ മാറ്റങ്ങള്‍ ഉണ്ടാകുന്നു

മറ്റൊരിടത്ത്, മായ എന്ന ഡബ്ബിംഗ് ആര്‍ടിസ്റ്റ് അവളുടെ സുഹൃത്തിന്റെ കൂടെ താമസിക്കുന്നു. അവരുടെ കൂടെ, മീനാക്ഷി എന്ന സുഹൃത്തുമുണ്ട്‌. ഏറെ പ്രായമായിട്ടും മായയും ഇതുവരെ കല്യാണം കഴിച്ചിട്ടില്ല. മായ ഒരു പുരുഷ വിധ്വേഷികൂടിയാണ്. എല്ലാ പുരുഷന്മാരും സ്ത്രീകളെ കാണുന്നത് തെറ്റായ കണ്ണിലൂടെയാണ് എന്ന് വിശ്വസിക്കുന്ന ഒരാളാണ് മായ. കാളിദാസനെ പോലെ, മായയുടെയും ഇഷ്ട വിനോദം  നല്ല ഭക്ഷണം കഴികുക എന്നതാണ്. അങ്ങനെയിരിക്കെ ഒരിക്കല്...‍, ദോശ കഴിക്കണം എന്ന ആഗ്രഹത്താല്‍ പരിചയമുള്ള ദോശക്കടയിലേക്ക് മായ ഫോണ്‍ വെളിക്കുന്നു. പക്ഷെ, ഫോണ്‍ കോള്‍ പോകുന്നത് കാളിദാസന്റെ സഹോദരി പുത്രന്‍ മനുവിന്റെ ഫോണിലേക്കാണ്, ആ ഫോണ്‍ എടുക്കുന്നത് കാളിദാസനും. അങ്ങനെ, ഭക്ഷണ പ്രിയരായ കാളിദാസനും, മായയും  ആദ്യമായി സംസാരിക്കുന്നു. ഇരുവരും വഴകടിയിലൂടെയാണ് സംസാരം തുടങ്ങുന്നതെങ്കിലും...രെണ്ട്‌ പേരുടെയും ഇഷ്ട വിനോദം ഭക്ഷണമായാത് കൊണ്ട് പതിയെ പതിയെ അവരുടെ സൗഹൃദം വളരുന്നു. ആ സൗഹൃദം...പ്രണയത്തിന്റെ തുടക്കത്തില്‍ എത്തുന്നു. ഇരുവരെയും പ്രണയിക്കാന്‍ സഹായിക്കാന്‍ മനുവും, മീനാക്ഷിയും കൂടെയുണ്ട്. മനുവിന്റെയും, മീനാക്ഷിയുടെയും ഇടപെടലുകള്‍  കാളിദാസന്റെയും, മായയുടെയും സൗഹൃദത്തിലും, ജീവിതത്തിലും ചില മാറ്റങ്ങള്‍ ഉണ്ടാക്കുന്നു. ഇതാണ് സോള്‍ട്ട് ആന്‍ഡ്‌ പെപ്പര്‍ എന്ന സിനിമയുടെ കഥ.

മമ്മൂട്ടി നായകനായ ഡാഡി കൂളിന് ശേഷം ആഷിക് അബു സംവിധാനം ചെയ്ത സോള്‍ട്ട് ആന്‍ഡ്‌ പെപ്പര്‍ നിര്‍മ്മിച്ചത് ലുക്സം ക്രിയേഷന്‍സ് ആണ്. നവാഗത തിരക്കഥ രചയ്താക്കളായ ശ്യാം പുഷ്ക്കരന്‍, ദിലീഷ് നായര്‍ എന്നിവര്‍ ചേര്‍ന്നൊരുക്കിയ തിരക്കഥയും സംഭാഷങ്ങളും സമീപ കാലത്തിറങ്ങിയ മലയാള സിനിമകളില്‍  നിന്നും ഏറെ വെത്യെസ്തമാണ്. അതുപോലെ തന്നെ, ആഷിക് അബു എന്ന സംവിധായകന്റെ ഈ സിനിമയോടുള്ള സമീപനവും മലയാള സിനിമയില്‍ അധികം കണ്ടിട്ടില്ലതതാണ്. ഷൈജു ഖാലിദ്‌ നിര്‍വഹിച്ച ചായഗ്രഹണവും, ബിജിബാല്‍ ഒരുക്കിയ പാട്ടുകളും ഈ സിനിമയെ ജനഹൃദയങ്ങളിലേക്ക് എത്തിക്കാന്‍ സഹായിക്കുന്നു. ലാലും, ബാബുരാജും, ആസിഫ് അലിയും മികച്ച അഭിനയമാണ് ഈ സിനിമയില്‍ കാഴ്ച്ചവെചിരിക്കുന്നത് എന്നത് ഈ സിനിമയുടെ മറ്റൊരു സവിശേഷതയാണ്.   

തിരക്കഥ: എബവ് ആവറേജ്
നവാഗതരായ ദിലീഷും, ശ്യാമും മലയാള സിനിമയുടെ പുതിയ വാഗ്ദ്ധനങ്ങലാണ് എന്ന് അവരുടെ ആദ്യ സിനിമ തെളിയിച്ചിരിക്കുന്നു. മലയാള സിനിമ പ്രേമികള്‍ പുതുമ ആഗ്രഹിച്ചു സിനിമ കാണാന്‍ പോകുന്ന ഈ കാലഘട്ടത്തില്‍..., പുതുമ നിറഞ്ഞ തിരക്കഥയും, സംഭാഷണങ്ങളും ഒരുക്കിയ ഇരട്ട തിരക്കഥകൃത്തുക്കള്‍ അഭിനന്ദനം അര്‍ഹിക്കുന്നു. പ്രേമത്തിനു പ്രായമോ, പ്രണയിത്താകള്‍ക്ക് സൗന്ദര്യമോ ഒന്നും പ്രശ്നമല്ല...അതിനെല്ലാത്തിനുമുപരി...മനസ്സുകളുടെ ഐക്യമാണ് വേണ്ടത് എന്ന് സന്ദേശം ലളിതാമായ രീതിയിലൂടെ അവതരിപ്പിച്ചതാണ് ഈ സിനിമയുടെ വിജയം. ഇങ്ങനെയൊരു സന്ദേശം നല്ക്കുന്നതിനു വേണ്ടിയുള്ള എല്ലാ ഘടഗങ്ങളും പ്രേക്ഷകര്‍ക്ക്‌ ഇഷ്ടമാകുന്ന രീതിയില്‍ തിരക്കഥയില്‍ ഉള്‍കൊള്ളിക്കാന്‍ ദിലീഷിനും, ശ്യാമിനും സാധിച്ചു. ഈ സിനിമയിലെ ചില കഥാപാത്രങ്ങളും, ചില സന്ദര്‍ഭങ്ങളും സിനിമയുടെ പുതുമയ്ക്ക് വേണ്ടി ഉള്പെടുത്തിയതാനെങ്കിലും..., അത് അനാവശ്യമായി തോന്നി. കഥ സന്ദര്‍ഭങ്ങള്‍ക്ക്‌ പുതുമ ഉണ്ടെങ്കിലും, പല രംഗങ്ങളും പൂര്‍ണതയിലെത്താത്തത് പോലെ  അനുഭവപെട്ടു. പരിചയകുറവ് കാരണമായിരിക്കും എങ്ങനെ സംഭവിച്ചത് എന്ന് കരുതാം. മൂപ്പന്‍ എന്ന കഥാപാത്രത്തിന്റെ അവകാശത്തെ ചൊല്ലിയുള്ള രംഗങ്ങള്‍ ഒഴുവാക്കമായിരുന്നു.


സംവിധാനം: ഗുഡ്
ആഷിക് അബു സംവിധാനം ചെയ്യുന്ന രണ്ടാമത്തെ സിനിമയാണ് സോള്‍ട്ട് ആന്‍ഡ്‌ പെപ്പര്‍
‍. ആദ്യ സിനിമ ഒരു വലിയ വിജയമായില്ലെങ്കിലും, ആ സിനിമയിലും കുറെ പുതുമകള്‍ കൊണ്ടുവാരന്‍ ആഷിക് ശ്രമിച്ചു. ഈ സിനിമയുടെയും പ്രധാന സവിശേഷത പുതുമ നിറഞ്ഞ സംവിധാന രീതിയും, കഥാപാത്ര രൂപികരണവും തന്നെ. ഓരോ രംഗങ്ങളിലും പുതുമ കൊണ്ടുവാരാന്‍ ശ്രമിച്ചത് ഈ സിനിമയുടെ വിജയത്തിന് കാരണമായി. സിനിമയുടെ ടൈറ്റില്‍ എഴുതി കാണിക്കുമ്പോള്‍ കേരളത്തിലെ എല്ലാ രുചിയുള്ള വിഭവങ്ങളും കാണിച്ചത് പ്രേക്ഷകരെ രസിപ്പിച്ചു.

സാങ്കേതികം: ഗുഡ്
ഈ സിനിമയുടെ വിജയത്തിന്റെ വലിയ ഒരു ഘടകം ചായാഗ്രഹണം നിര്‍വഹിച്ച ഷയിജു ഖാലിദ്‌ ആണ്. മനോഹരമായ രംഗങ്ങള്‍ ഒരുക്കി സംവിധായകനെ സഹായിച്ച ഷയിജു അഭിനന്ദനം അര്‍ഹിക്കുന്നു. അതുപോലെ തന്നെ, ബിജിബാല്‍ ഒരിക്കിയ പാട്ടുകള്‍ ഇമ്പമുള്ളതും മനോഹരവുമായിരുന്നു. സന്തോഷ്‌ വര്‍മ രചിച്ച "കാണാമുള്ളാല്‍..." എന്ന പാട്ടും, റഫീക്ക് അഹമദ് രചിച്ച "പ്രേമികുമ്പോള്‍ നീയും ഞാനും..." എന്ന പാട്ടും പ്രേക്ഷകര്‍ സ്വീകരിച്ചു കഴിഞ്ഞു.
അവിയല്‍ മ്യൂസിക്‌ ബാന്‍ഡ് ഒരുക്കിയ "ആനകള്ളന്‍..." എന്ന പാട്ടും പ്രേക്ഷര്‍ക്കു ഏറെ പ്രിയപെട്ടതാണ് . ഈ സിനിമയ്ക്ക് വേണ്ടി ശബ്ദ ലേഖനം നിര്‍വഹിച്ച ഡാന്‍ ജോണ്സ്സും മികവു പുലര്‍ത്തി.  

അഭിനയം: ഗുഡ്
ഇതുവരെ വില്ലന്‍ വേഷങ്ങള്‍ മാത്രം അവതരിപ്പിച്ചിരുന്ന ബാബുരാജിനെ  നല്ലൊരു വേഷത്തില്‍ കണ്ടത്തില്‍ പുതുമ തോന്നി. ബാബു എന്ന വേലക്കാരന്റെ കഥാപാത്രം ഭംഗിയായി അവതരിപ്പിക്കാന്‍ ബാബുരാജിന് സാധിച്ചു. അതുപോലെ തന്നെ, ലാലിനും, ശ്വേത മേനോനും കുറെ നാളുകള്‍ക്കു ശേഷം ലഭിച്ച നല്ല കഥാപാത്രങ്ങളാണ് കാളിദാസനും, മായയും. കാളിദാസന്‍ എന്ന കഥാപാത്രം ലാലില്‍ ഭദ്രമായി തോന്നി. ആസിഫ് അലിയ്ക്ക് ലഭിച്ച മികച്ച കഥാപാത്രങ്ങളില്‍ ഒന്നാണ് മനു രാഘവ്. പ്രതീക്ഷിച്ചതിലും നന്നായി ആസിഫ് അഭിനയിച്ചു. പക്ഷെ, മായയായി അഭിനയിച്ച ശ്വേത മേനോനും, മീനാക്ഷിയായി അഭിനയിച്ച മൈഥിലിയും പ്രതീക്ഷയ്ക്കൊത്ത് നന്നായില്ല. ഇത്
സംവിധായകന്‍ ശ്രദ്ധിക്കത്താതാണോ, അതോ... ആ കഥാപാത്രം അങ്ങനെ രൂപപെടുത്തിയത് കൊണ്ടാണോ എന്നറിയില്ല. വിജയരാഘവനും, കല്പനയും അവരവരുടെ രംഗങ്ങള്‍ തന്മയത്വത്തോടെ അവതരിപ്പിച്ചു. ലാല്‍, ശ്വേത മേനോന്‍, ആസിഫ് അലി, മൈഥിലി, ബാബു രാജ്, വിജയരാഘവന്‍, കല്പന, അര്‍ച്ചന കവി, നന്ദു, റോസ്‌ലിന്‍ എന്നിവരാണ് ഈ സിനിമയിലെ അഭിനേതാക്കള്‍. 
     
സിനിമയുടെ പ്ലസ്‌ പോയിന്റ്സ്
1. പുതുമയുള്ള സംവിധാന ശൈലി
2.
സംഭാഷണം, അഭിനയം
3. ലാല്‍ - ബാബു രാജ് കൂട്ടുകെട്ട്
4. ചായാഗ്രഹണം, പാട്ടുകള്‍


സിനിമയുടെ മൈനസ് പോയിന്റ്സ്:
1.
ശേത മേനോന്‍, മൈഥിലി എന്നിവരുടെ അഭിനയം.
2. കഥയില്‍ ആവശ്യമില്ലാത്ത ഒന്നുരണ്ട് കഥപാത്രങ്ങളും, കഥ സന്ദര്‍ഭങ്ങളും

സോള്‍ട്ട് ആന്‍ഡ്‌ പെപ്പര്‍ റിവ്യൂ:  എല്ലാത്തരം സിനിമ പ്രേക്ഷകരെയും ആസ്വാദനത്തിന്റെ കൊടുമുടിയിലെത്തിക്കുന്ന..., എല്ലാ ചേരുവകളും പാകത്തിന് ചേര്‍ത്ത... ലളിതവും, രുചികരവും, സ്വാദിഷ്ടവുമായ ഒരു സിനിമാസദ്യ.

സോള്‍ട്ട് ആന്‍ഡ്‌ പെപ്പര്‍ റേറ്റിംഗ്: നല്ല സിനിമ [ 3.5 / 5 ]

സംവിധാനം: ആഷിക് അബു
നിര്‍മ്മാണം: ലുക്സം ക്രിയേഷന്‍സ്
കഥ, തിരക്കഥ,സംഭാഷണം: ശ്യാം പുഷ്ക്കരന്‍, ദിലീഷ് നായര്‍
ചായാഗ്രഹണം: ഷയിജു ഖാലിദ്‌
ചിത്രസംയോജനം: വി.സാജന്‍
സംഗീതം: ബിജിബാല്‍
വരികള്‍: സന്തോഷ്‌ വര്‍മ, റഫീക്ക് അഹമ്മദ്
ശബ്ദ ലേഖനം: ഡാന്‍
ജോണ്‍സ്

9 comments:

  1. ഈ കളര്‍ സ്കീമൊന്ന് മാറ്റുന്നത് നന്നായിരിക്കുമെന്ന് തോന്നുന്നു. ഈ ബ്രൌണ്‍ കലര്‍ന്ന കടും ചുവപ്പ് നിറത്തിലെ വെള്ള/മഞ്ഞ അക്ഷരങ്ങള്‍ വായിക്കുക കടുപ്പം തന്നെ! :(

    'ചിത്രവിശേഷ'ത്തില്‍ മലയാളം സിനിമാ നിരൂപണ സൈറ്റുകളുടെ കൂട്ടത്തില്‍ ഇതിനേയും കൂട്ടിയിട്ടുണ്ട്. പുതിയ പോസ്റ്റുകള്‍ അതില്‍ സ്വയം തന്നെ വന്നുകൊള്ളും. ലിങ്കുകള്‍ ഓരോ പോസ്റ്റിലും ചേര്‍ക്കണമെന്നില്ല. (മറ്റ് സിനിമാ റിവ്യൂ സൈറ്റുകളിലേക്കുള്ള ലിങ്ക് കാണിക്കുന്നൊരു വിഡ്‍ജറ്റ് ഇവിടെയും ചേര്‍ക്കാവുന്നതാണ്‌.)

    ReplyDelete
  2. ഹലോ ഹരി, താങ്കളുടെ വിലയേറിയ അഭിപ്രായത്തിന് നന്ദി. മേല്പറഞ്ഞ നിര്‍ദേശങ്ങള്‍ പരിഗണിക്കാം. തുടര്‍ന്നും നിരൂപണം വായിക്കുക..., പ്രോത്സാഹിപ്പിക്കുക.

    ReplyDelete
  3. felt happy and refreshed after watching this movie..indeed a real n simple entertainer..really appreciate each and everyone behind this movie..thanks a ton from one happy viewer..

    ReplyDelete
  4. waiting for reviews of bangkok summer n manushya mrugam

    ReplyDelete
  5. boradikkathya puthumayulla nalla oru film....:)
    gud review...keep it up!.....

    ReplyDelete
  6. A good romantic comedy..contemporary..and amusing.I differ with the reviewer's opinion that Swetha Menon was not upto the mark and Asif performed well..Felt the other way round.About the songs - Anakkallan was out of place and meaningless.Why is Chembavul not mentioned ?

    ReplyDelete
  7. Every body applauded this movie "SALT'N Pepper", but nobody noticed the "Liquor" sequence of Swetha Menon, Klpana and Maithily. Is it tolerable to the malayalee audience? Shame......... Shame.
    CR.Girijan Acharya

    ReplyDelete
  8. Mr CR Girijan Acharya. Mashe aaranee malayali audience. Ee paranja malayali audience il etra per vellam adikkathavar und? Patham class vidyarthikal polum kudichu koothadi nadakkunna ee naatil moonnu pennngal adichappo mosham aayathu engane? Pattayadichu abhimanam kollunna ee naatil moonnu pennungal adichappo enda itra "shame"? ee onathinu kalladichu karunagapally first um chalakkudy second um vannappo chalakkdykkar "che, mosham aayi poyi" ennu paranja naatil moonnu pennungal adichadayo thettu? Mashe, thaankal pandathe etho yugathil aanu jeevikkunnadu. Ee naatil ippo endum nadakkum. Patta adikkunna ee naatile 30 shathamanam pennungalile 1 shathamanam matramanu ivar cinemayil kaanichittulladu.
    Thaankalude vikaram manasilakum. Ee lokam ippo inganeya maashe. Joli bharam koodumbo aarayalum athellam marakkan vendi onnu adikkum. Atreyume avarum cheythullu. Padathil avarku joli illa ennanu vaadam enkil, njan paranjathu pole, keralathile pennungalil 30 shathamanam varunna vellam adikkare represent cheyyuka matram aanu avar cheythadu. Director choondi kaanichu inganeyum oru lokam undennu. Nammade naatukar thanne vaarthedutha puthiya lokam. Paranjitt karyam illa mashe. "THELICHA VAZHIYE POYILLENKIL POYA VAZHIYE THELIKKUKA"

    ReplyDelete
  9. Hello There
    Nice Review.
    Just to remind you ....the backgroud of this screen makes it difficult to read the words, please change it to a more reader friendly one...or just make it plain where the content is.
    thank you

    ReplyDelete