പത്മശ്രീ ഭരത് മമ്മൂട്ടി അനശ്വരമാക്കിയ കുറ്റാന്വേഷണ കഥാപാത്രങ്ങളില് ഒന്നാണ് ക്രൈം ബ്രാഞ്ച് ഓഫീസര് പെരുമാള്.1988ല് എസ്.എന്.സ്വാമിയുടെ തിരക്കഥയില് സിബി മലയില് സംവിധാനം ചെയ്ത സിനിമയാണ് ആഗസ്റ്റ് 1.23 വര്ഷങ്ങള്ക്കു ശേഷം പെരുമാള് വീണ്ടും വെള്ളിത്തിരയില് എത്തുന്ന സിനിമയാണ് ആഗസ്റ്റ് 15.എസ്. എന്. സ്വാമിയുടെ തന്നെ തിരക്കഥയില് രണ്ടാം ഭാഗം സംവിധാനം ചെയ്യുന്നത് ഷാജി കൈലാസാണ്. ദ്രോണയ്ക്ക് ശേഷം മമ്മൂട്ടിയും ഷാജി കൈലാസും ഒന്നിക്കുന്ന ഈ സിനിമ നിര്മ്മിച്ചിരിക്കുന്നത് എം. മണി ആണ്.
മുഖ്യമന്ത്രി സദാശിവനെ(നെടുമുടി വേണു)ഹൃദയാഘാതത്തെ തുടര്ര്ന്നു ആശുപത്രിയില് പ്രവേശിപ്പിക്കുന്നു. യഥാര്തത്തില്...മുഖ്യമന്ത്രിയെ വിഷം കലര്ത്തി കൊല്ലാന് നോക്കിയപ്പോഴാണ് ഹൃദയാഘാതം ഉണ്ടായത്. ആരാണ് വിഷം കലര്ത്തി കൊല്ലാന് ശ്രമിച്ചത്? എന്തിനു വേണ്ടിയാണ് മുഖ്യമന്ത്രിയെ കൊല്ലാന് ശ്രമിക്കുന്നത്?ഈ കുറ്റാന്വേഷനമാണ് ക്രൈം ബ്രാഞ്ച് ഉദ്യോഗസ്ഥന് പെരുമാള്(മമ്മൂട്ടി) അന്വേഷിക്കുന്നത്. മുഖ്യമന്ത്രിയെ കൊല്ലാന് വേണ്ടി കൊലയാളികള് വീണ്ടും നടത്തുന്ന ശ്രമങ്ങള് എല്ലാം പെരുമാള് അയാളുടെ ബുദ്ധിയും കഴിവും കൊണ്ട് പരാജയപെടുത്തുന്നു.അങ്ങനെ, മുഖ്യമന്ത്രിയെ രക്ഷികുകയും,യഥാര്ത്ഥ കുറ്റവാളികളെ കണ്ടുപിടിക്കുകയും ചെയ്യുന്നതാണ് ഈ സിനിമയുടെ കഥ.
മലയാളി പ്രേക്ഷകര്ക്ക് ഒരിക്കലും മറക്കാനാവാത്ത പ്രകടനമാണ് ആഗസ്റ്റ് 1 സിനിമയിലെ വില്ലന് കഥാപാത്രം അവതരിപ്പിച്ച ക്യാപ്റ്റന് രാജുവിന്റെത്. മുഖ്യമന്ത്രിയെ കൊല്ലുക എന്ന ദൌത്യവുമായി കേരളത്തില് വരുന്ന കൊലയാളിയുടെ വേഷമാണ് ക്യാപ്റ്റന് രാജു ചെയ്തത്. രണ്ടാം ഭാഗമായ ആഗസ്റ്റ് 15ല് മുഖ്യമന്ത്രിയെ കൊല്ലുക എന്ന ദൌത്യവുമായി എത്തുന്ന കൊലയാളിയുടെ വേഷം അഭിനയിച്ചിരിക്കുന്നത് സിദ്ധിക്ക് ആണ്.മമ്മൂട്ടി, സിദ്ദിക്ക്, നെടുമുടി വേണു,ജഗതി ശ്രീകുമാര്, ലാലു അലക്സ്, സായി കുമാര്, രഞ്ജിത്ത്, ബാലചന്ദ്രന് ചുള്ളികാട്, തലൈവാസല് വിജയ്, കൊച്ചുപ്രേമന്, ജോണി, ബിജു പപ്പന്, കിരണ് രാജ്, ശ്വേത മേനോന്, മേഘ്ന രാജ് തുടങ്ങിയവരാണ് ഈ സിനിമയില് അഭിനയിച്ചിരിക്കുന്നത്.
ഒട്ടുമിക്ക എല്ലാ മലയാള സിനിമയുടെയും അടിസ്ഥാന പ്രശ്നം കെട്ടുറപ്പില്ലാത്ത തിരക്കഥയാണ്. അത് തന്നെയാണ് ഈ സിനിമയെയും ബാധിച്ചിരിക്കുന്നത്. എസ്.എന്.സ്വാമിയുടെ തിരക്കഥയെ...എത്രത്തോളം മോശമാക്കി സംവിധാനം ചെയ്യാമോ..അത് ഒട്ടും തെറ്റാതെ ചെയ്തിട്ടുണ്ട് ഷാജി കൈലാസ്.
രണ്ടര മണിക്കൂര് മമ്മൂട്ടിയെ കാണാന് ആഗ്രഹമുള്ളവര് മാത്രം ആഗസ്റ്റ് 15 സിനിമ കാണുക. അല്ലാത്തവര് കണ്ടാല്...ഒരുപക്ഷെ നിങ്ങള്ക്ക് ഷാജി കൈലാസ് എന്ന സംവിധായകന്റെ വരാനിരിക്കുന്ന സിനിമകള് പോലും കാണാന് തോന്നില്ല.
ആഗസ്റ്റ് 15 റേറ്റിംഗ് : ബിലോ ആവറേജ് [2 / 5]
സംവിധാനം: ഷാജി കൈലാസ്
നിര്മ്മാണം: എം. മണി
ബാനെര്: സുനിത പ്രോഡക്ഷന്സ്
കഥ, തിരക്കഥ, സംഭാഷണം: എസ്.എന്.സ്വാമി
ചായാഗ്രഹണം: പ്രദീപ് നായര്
ചിത്രസംയോജനം:ഭൂമിനാഥന്
പശ്ചാത്തല സംഗീതം: രാജാമണി
No comments:
Post a Comment