ബെസ്റ്റ് ആക്ടര് സിനിമയിലുടനീളം നല്ല കളര്ഫുള് സീനുകളും, രസകരങ്ങളായ മുഹൂര്ത്തങ്ങളും ധാരാളമുണ്ട്. താമശക്ക് മാറ്റുകൂട്ടാന് ലാലും, സലിം കുമാറും, നെടുമുടി വേണുവും മമ്മൂട്ടിയോടോപ്പമുണ്ട് സിനിമയിലുടനീളം. ഒരു പുതുമുഖ സംവിധയകനനെന്ന തോന്നല് ഒരിക്കലും ഉണ്ടാക്കാത്ത രീതിയാലാണ് മാര്ട്ടിന് പ്രക്കാട്ടിന്റെ സംവിധാനം. അതിനു സംവിധായകനെ സഹായിച്ച ചായാഗ്രാഹകന് അജയന് വിന്സെനറ്റ് തീര്ച്ചയായും അംഗീകാരം അര്ഹിക്കുന്നു. അതോടപ്പം തന്നെ ചിത്രസംയോജനം ചെയ്ത ഡോണ് മാക്സും നല്ലരീതിയില് സിനിമയ്ക്ക് ഗുണം ചെയ്തിട്ടുണ്ട്. "സ്വപനം ഒരുചാക്ക്... " എന്ന ഗാനം ഇതിനോടകം തന്നെ പ്രേക്ഷക ശ്രദ്ധ പിടിച്ചുപറ്റികഴിഞ്ഞു. ബിജിബലാണ് സംഗീത സംവിധായകന്. ബെസ്റ്റ് ആക്ടര് സിനിമയ്ക്ക് വേണ്ടി തിരക്കഥ ഒരിക്കിയിരിക്കുന്നത് സംവിധായകന് മാര്ട്ടിനും ബിപിന് ചന്ദ്രനും ചേര്ന്നാണ്. സിനിമയുടെ ആദ്യപകുതിയില് മോഹന് എന്ന മാഷിന്റെ വീടും,നാടും, നടനാകാന് നടത്തുന്ന ശ്രമങ്ങളും നന്നായി തിരക്കഥയില് ഉള്ള്കൊള്ളിക്കാന് സാധിച്ചു. പക്ഷെ, മോഹന് കൊച്ചിയിലെത്തുകയും അവിടെ വെച്ച് സംഭവിക്കുന്ന കാര്യങ്ങളും എഴുതിയപ്പോള് അത്ര നന്നായില്ല. സിനിമയുടെ രണ്ടാം പകുതിയില് കുറെ തല്ലിപൊളി തമാശകളും, നായകന്റെ സ്ലോമോഷന് നടതത്തിനുമോക്കെയായി പ്രാധാന്യം. എങ്കിലും, സിനിമയുടെ ക്ലൈമാക്സ് പുതുമയുള്ളത് കൊണ്ട് പ്രേക്ഷര്ക്കരില് ഭൂരിഭാഗം പേര്ക്കും ഇഷ്ടപെടുന്നുണ്ട് ബെസ്റ്റ് ആക്ടര് സിനിമ. തിരക്കഥ രചനയില് കുറെക്കൂടി ശ്രദ്ധ കാണിച്ചിരുന്നെങ്കില് ബെസ്റ്റ് ആക്ടര് സിനിമ മികച്ച സിനിമകളില് ഒന്നാകുമായിരുന്നു.
മമ്മൂട്ടിയെ കൂടാതെ പുതുമുഖം ശ്രുതി രാമകൃഷ്ണന്, നെടുമുടി വേണു, ശ്രീനിവാസന്, ലാല്, സലിം കുമാര്, സുകുമാരി, ബിജുക്കുട്ടന്, കെ.പി.എ.സി ലളിത, ശ്രീജിത്ത് രവി, സംവിധായകര് ലാല് ജോസ്, രഞ്ജിത്ത്, ബ്ലെസി എന്നിവരും അഭിനയിച്ചിരിക്കുന്നു ഈ സിനിമയില്. ബിഗ് സ്ക്രീന് സിനിമയ്ക്ക് വേണ്ടി നൌഷാദ് ആണ് ബെസ്റ്റ് ആക്ടര് നിര്മ്മിച്ചിരിക്കുന്നത്. കഥയിലുള്ള പുതുമയും നല്ല ടെക്ക്നിക്കല് സപ്പോര്ട്ടും ഉള്ളതുകൊണ്ട് ബെസ്റ്റ് ആക്ടര് സിനിമ കണ്ടിരിക്കാവുന്ന ഒന്നാണ്. വലിയ പ്രതീക്ഷകളൊന്നും വെയ്ക്കാതെ സിനിമയ്ക്ക് പോകുന്നവര്ക്കും, മമ്മൂട്ടിയെ സ്നേഹിക്കുന്നവര്ക്കും ഇഷ്ടമാകും ബെസ്റ്റ് ആക്ടര്.
ബെസ്റ്റ് ആക്ടര് റേറ്റിംഗ് : ആവറേജ് [ 2.5 / 5 ]
തിരക്കഥ: മാര്ട്ടിന് പ്രക്കാട്ട് , ബിപിന് ചന്ദ്രന്
സംവിധാനം: മാര്ട്ടിന് പ്രക്കാട്ട്
നിര്മ്മാണം: നൌഷാദ്
ചായാഗ്രഹണം: അജയന് വിന്സെനറ്റ്
ചിത്രസന്നിവേശം: ഡോണ്മാക്സ്
സംഗീതം: ബിജിബാല്
I have been a member of this blog and keep on watching your comments.You have been doing a fantastic job ,really help me to judge a film and avoid fans fake tale and keep it up....best wishesh
ReplyDeleteAbhilash
Manager-Millennium
Hello Mr.Abhliash,Thanks for being a regular reader of my blog. Thanks for your comments.
ReplyDelete