27 Jan 2012

കാസനോവ

3 വര്‍ഷത്തെ കാത്തിരിപ്പിനൊടുവില്‍ മലയാളി സിനിമ പ്രേമികളും മോഹന്‍ലാല്‍ ആരാധകരും ഒരുപോലെ ആകാംഷയോടെ കാണുവാന്‍ കൊതിച്ച റോഷന്‍ ആന്‍ഡ്രൂസ്- മോഹന്‍ലാല്‍ ടീമിന്റെ ബ്രഹ്മാണ്ട സിനിമ കാസനോവ 2012 ജനുവരി 26നു റിലീസ് ചെയ്തു. കോണ്ഫിടെന്റ് ഗ്രൂപിന് വേണ്ടി ഡോക്ടര്‍ സി.ജെ.റോയ്, ആശിര്‍വാദ് സിനിമാസിന് വേണ്ടി ആന്റണി പെരുമ്പാവൂര്‍ എന്നിവര്‍ ചേര്‍ന്ന് നിര്‍മ്മിച്ച കാസനോവ, മോഹന്‍ലാല്‍-റോഷന്‍ ആന്‍ഡ്രൂസ് ടീമിന്റെ മൂന്നാമത്തെ സിനിമയാണ്. ലോകത്തില്‍ ഏറ്റവും കൂടുതല്‍ കാമുകിമാരുള്ള കാസനോവ എന്ന അപരനാമത്തില്‍ അറിയപെടുന്ന കോടീശ്വരനായ ഒരു പൂക്കച്ചവടക്കരനായിട്ടാണ് മോഹന്‍ലാല്‍ ഈ സിനിമയില്‍ അഭിനയിച്ചിരിക്കുന്നത്. മോഹന്‍ലാലിന്‍റെ നായികയായി തെന്നിന്ത്യന്‍ താരം ശ്രിയ ശരണ്‍ അഭിനയിക്കുന്ന കാസനോവയില്‍ ലക്ഷ്മി റായി, സഞ്ജന, റോമ, റിയ, നോവ കൃഷ്ണന്‍ എന്നിവരും നായികമാരയിയെത്തുന്നു. ട്രാഫിക്‌ എന്ന സിനിമയ്ക്ക് ശേഷം ബോബി-സഞ്ജയ്‌ ടീമാണ് കാസനോവയുടെ കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്. ജിം ഗണേഷ് ആദ്യമായി മലയാളത്തില്‍ ചായാഗ്രഹണം നിര്‍വഹിക്കുന്ന കാസനോവയുടെ ലോക്കെഷന്‍സ് മുഴുവനും വിദേശ രാജ്യങ്ങളാണ്. ഗോപി സുന്ദര്‍ ഒരുക്കിയ പശ്ചാത്തല സംഗീതം, ജിം ഗണേഷ് പകര്‍ത്തിയ ദ്രിശ്യങ്ങള്‍, ബോബി-സഞ്ജയ്‌ ടീം എഴുതിയ സംഭാഷണങ്ങള്‍, അല്‍ഫോന്‍സ്‌, ഗൌരി, ഗോപി സുന്ദര്‍ ഈണമിട്ട പാട്ടുകള്‍, അലന്‍ അമിന്‍ ഒരുക്കിയ സംഘട്ടന രംഗങ്ങള്‍ എന്നിവ ഈ സിനിമയുടെ പ്രധാന സവിശേഷതകളാണ്.

കോടീശ്വരനായ പൂക്കച്ചവടക്കാരന്‍ കാസനോവ ഒരു കല്യാണത്തില്‍ പങ്കെടുക്കാന്‍ ദുബായില്‍ എത്തുന്നിടതാണ് ഈ സിനിമ ആരഭിക്കുന്നത്. കല്യാണത്തിനു രണ്ടു ദിവസം മുമ്പ് ദുബായ് നഗരത്തില്‍ ഒരു മോഷണം നടക്കുകയും, ആ വാര്‍ത്ത‍ പിറ്റേ ദിവസത്തെ പത്രത്തില്‍ വരുകയും ചെയ്യുന്നു. ആ വാര്‍ത്ത‍ അറിയുന്ന കാസനോവ ദുബായില്‍ താമസിക്കുവാനും ആ മോഷണം നടത്തുന്നവരെ കണ്ടിപിടിക്കുവാന്‍ നടത്തുന്ന ശ്രമങ്ങളുമാണ് ഈ സിനിമയുടെ മൂലകഥ. ആരാണ് കാസനോവ? അയാള്‍ എന്തിനാണ് ആ മോഷ്ടാക്കളെ കണ്ടുപിടിക്കാന്‍ ശ്രമിക്കുന്നത്? അയാളുടെ ലക്‌ഷ്യം എന്താണ്? എന്നതെല്ലമാണ് ഈ സിനിമയുടെ സസ്പെന്‍സ്. തികച്ചും പുതുമയുള്ള കഥയാണ് റോഷനും ബോബിയും ചേര്‍ന്ന് ഈ സിനിമയ്ക്ക് വേണ്ടി തിരഞ്ഞെടുത്തിരിക്കുന്നത്. പ്രണയം എന്ന മനോഹരമായ വികാരം മനുഷ്യരില്‍ വരുത്തുന്ന മാറ്റങ്ങളും, അതുവഴി ചില രഹസ്യങ്ങളും സത്യങ്ങളും പുറത്തു കൊണ്ടുവരാന്‍ കാസനോവ നടത്തുന്ന ശ്രമങ്ങളുമാണ് ബോബിയും സഞ്ജയും ഈ സിനിമയുടെ തിരക്കഥയില്‍ ഉള്പെടുത്തിയിരിക്കുന്നത്.

കഥ, തിരക്കഥ: ആവറേജ്
2011ല്‍ റിലീസ് ചെയ്ത ട്രാഫിക്‌ എന്ന സിനിമയുടെ തിരക്കഥ മലയാള സിനിമയില്‍ ഏറ്റവും മികച്ച തിരക്കഥകളില്‍ ഒന്നായിരുന്നു. ബോബി സഞ്ജയ്‌ കൂട്ടുകെട്ടില്‍ നിന്നുണ്ടായ എന്റെ വീട് അപ്പൂന്റെയും, നോട്ട് ബുക്ക്‌, ട്രാഫിക്‌ എന്നീ സിനിമകളിലൂടെ പ്രേക്ഷക ഹൃദയം കീഴടക്കിയ ബോബി സഞ്ജയ്‌ ടീം എഴുതിയ മോശം തിരക്കഥയാണ് കാസനോവയുടെത്. ഒരു ആക്ഷന്‍ ത്രില്ലര്‍ സിനിമയ്ക്ക് വേണ്ടി എഴുതപെട്ട കഥയാണെങ്കിലും, ആ കഥ ആവശ്യപെടുന്ന രീതിയിലുള്ള കഥാസന്ദര്‍ഭങ്ങള്‍ സിനിമയിലില്ല. കാസനോവ നടത്തുന്ന ലൈവ് ടെലിവിഷന്‍ പരിപാടിയിലൂടെ കമിതാക്കളെ ഒന്നിപ്പിക്കുന്ന രംഗങ്ങളും, സിനിമയുടെ രണ്ടാം പകുതിയില്‍ കാസനോവയുടെ ജീവിതത്തിലുണ്ടായ സംഭവങ്ങലുള്ള രംഗങ്ങളും, ക്ലൈമാക്സ് രംഗങ്ങളുമാണ് ഈ സിനിമയിലെ ഏറ്റവും മോശം. എന്നാല്‍ മോഹന്‍ലാലിനെ കൊണ്ട് പ്രേമിപ്പിക്കതിരുന്നതും, ലാല്‍ ആരാധകര്‍ക്ക് വേണ്ടി അദ്ദേഹത്തിന്റെ സ്ഥിരം സംഭാഷണങ്ങളും തിരക്കഥയില്‍ നിന്നും ഒഴുവാക്കിയതും നന്നായി. കഥയില്‍ പ്രത്യേകിച്ച് വഴിത്തിരുവകളൊന്നും ഉണ്ടാക്കാത്ത കുറെ അനാവശ്യ രംഗങ്ങള്‍ ഒഴിവാക്കിയിരുനെങ്കില്‍ ഈ സിനിമ മികച്ചതായേനെ. നല്ല കഴിവുള്ള തിരക്കഥ രചയ്താക്കളായ സഞ്ജയ്‌ ബോബിയില്‍ നിന്നും മികച്ച തിരക്കഥകള്‍ പ്രതീക്ഷിക്കുന്നു. 

സംവിധാനം: എബവ് ആവറേജ്
ഹ്യൂമറിന് പ്രാധാന്യം നല്‍ക്കിയ ഉദയനാണ് താരം, കൗമാരക്കാരുടെ ജീവിതത്തിലൂടെ കടന്നുപോകുന്ന നോട്ട് ബുക്ക്‌, മലയാളി കര്‍ഷകന്‍ അനുഭവിക്കുന്ന കഷ്ടപാടുകള്‍ കഥയാക്കിയ ഇവിടം സ്വര്‍ഗമാണ് എന്നീ സിനിമകള്‍ക്ക്‌ ശേഷം റോഷന്‍
ആന്‍ഡ്രൂസ് സംവിധാനം ചെയ്ത സിനിമയാണ് കാസനോവ. സംവിധായകന്റെ മുന്‍കാല സിനിമകളില്‍ നിന്നും ഏറെ വ്യതസ്തമായ ഒരു ലവ് ആക്ഷന്‍ ത്രില്ലറാണ് കാസനോവ. ഒരു ആക്ഷന്‍ ത്രില്ലര്‍ സിനിമയ്ക്ക് വേണ്ടിയിട്ടുള്ള എല്ലാ സാങ്കേതികതികവോടെയാണ് റോഷന്‍ കാസനോവ ഒരിക്കിയിരിക്കുന്നത്. ബോബി സഞ്ജയ്‌, ജിം ഗണേഷ്, ഗോപി സുന്ദര്‍, അല്‍ഫോന്‍സ്‌, അലന്‍ , മഹേഷ്‌ നാരായണന്‍ എന്നിവരെപോലെയുള്ള മികച്ച കലാകാരന്മാരെ ഈ സിനിമയ്ക്ക് വേണ്ടി വേണ്ടവിധത്തില്‍ ഉപയോഗിച്ചത് കാരണം കാസനോവ എന്ന സിനിമയ്ക്ക് നല്ല ടെക്ക്നിക്കല്‍ പെര്‍ഫെക്ഷന്‍ ലഭിച്ചു. ഇത്രയൊക്കെ മികച്ച സാങ്കേതിക വശങ്ങളുണ്ടായിട്ടും കാസനോവ ഒരു മികച്ച സിനിമയാകാത്തത് ശക്തമായ നല്ലൊരു തിരക്കഥയുടെ അഭാവം തന്നെ. മോഷണം നടത്തിയവരെ പിടികൂടുവനായി കാസനോവ നടത്തുന്ന ശ്രമങ്ങളൊന്നും വിശ്വസനീയമായ കഥാസന്ദര്‍ഭങ്ങളിലൂടെ തിരക്കഥയില്‍ ഉള്പെടുത്താത് ഈ സിനിമയെ ദോഷകരമായി ബാധിച്ചു. രണ്ടു മണിക്കൂര്‍ കൊണ്ട് അവസാനിപിക്കേണ്ടിയിരുന്ന സിനിമ, മൂന്ന് മണിക്കൂര്‍ കൊണ്ട് വലിച്ചുനീട്ടിയതും ഈ സിനിമയെ മോശമായി ബാധിച്ചിട്ടുണ്ട്. റോഷന്‍ ആന്‍ഡ്രൂസ് എന്ന സംവിധായകനില്‍ നിന്നും ഇതിലും മികച്ച ഒരു കാസനോവയാണ് പ്രേക്ഷകര്‍ പ്രതീക്ഷിച്ചത്.  

സാങ്കേതികം: ഗുഡ്
മലയാള സിനിമയില്‍ സമീപകാലത്തിറങ്ങിയ ഏറ്റവും മികച്ച പശ്ചാത്തല സംഗീതം ഈ സിനിമയ്ക്ക് വേണ്ടി ഗോപി സുന്ദര്‍ നല്ക്കിയിരിക്കുന്നു എന്ന് പറയുന്നതില്‍ തെറ്റില്ല. ഓരോ രംഗങ്ങള്‍ക്കും അനിയോജ്യമായ രീതിയില്‍ പശ്ചാത്തല സംഗീതം ഒരുക്കിയ ഗോപി സുന്ദറിനും അവകാശപെടാം ഈ സിനിമയുടെ വിജയം. അതുപോലെ തന്നെ, ഈ സിനിമയിലൂടെ ജിം ഗണേഷ് എന്ന അതുല്യ പ്രതിഭയെ മലയാള സിനിമയ്ക്ക് സംഭാവന ചെയ്ത റോഷന്‍
ആന്‍ഡ്രൂസ്സിനു നന്ദി. ഒരുപാട് സിനിമകളില്‍ ദുബായ് എന്ന നഗരം പ്രേക്ഷകര്‍ കണ്ടിട്ടുണ്ടെങ്കിലും, ഈ സിനിമയിലൂടെ ആ സ്ഥലങ്ങല്‍ക്കൊക്കെ ഒരു പ്രത്യേക ഭംഗി തോന്നിപ്പിക്കും വിധത്തില്‍ മികവുറ്റ ചായഗ്രഹണം നിര്‍വഹിച്ച ജിം ഗണേഷ് അഭിനന്ദനം അര്‍ഹിക്കുന്നു. ഇത്രയും മനോഹരമായ വിഷ്വല്‍സ് ഒരുക്കി പ്രേക്ഷകര്‍ക്ക്‌ ഒരു ദ്രിശ്യവിരുന്നോരുക്കിയ ജിം ഗണേഷിനും, അതിമനോഹരമായ പശ്ചാത്തല സംഗീതം ഒരുക്കിയ ഗോപി സുന്ദറിനും അഭിനന്ദനങ്ങള്‍. ഈ സിനിമയുടെ മറ്റൊരു മികച്ച സവിശേഷത എന്നത് അല്‍ഫോന്‍സ്‌ ജോസഫ്‌, ഗൌരി, ഗോപി സുന്ദര്‍ എന്നിവര്‍ ഈണമിട്ട പാട്ടുകളാണ്. സിനിമയില്‍ ഉള്പെടുതാത്ത "സഖിയെ..." എന്ന പാട്ടാണ് കാസനോവയിലെ ഏറ്റവും മികച്ചത്. അതുപോലെ തന്നെ, സിനിമയിലുള്ള "ഒമാനിച്ചുമ്മ..."  എന്ന് തുടങ്ങുന്ന പാട്ടും ശ്രവ്യസുന്ദരമായി ചിട്ടപെടുത്തിയിരിക്കുന്നു സംഗീത സംവിധായകര്‍. മഹേഷ്‌ നാരായണന്‍ നിര്‍വഹിച്ച ചിത്രസന്നിവേശവും, അലന്‍ അമിന്‍ ഒരുക്കിയ സംഘട്ടന രംഗങ്ങളും ഈ സിനിമയുടെ മാറ്റുകൂട്ടുന്നു. 

അഭിനയം: ആവറേജ്
മോഹന്‍ലാലിന്റെ മുന്‍കാല സിനിമകളില്‍ കാണുന്ന പോലെയുള്ള സ്ഥിരം മാനറിസങ്ങളൊക്കെ ഒഴുവാക്കി
നൂറു ശതമാനം ആത്മാര്‍ഥതയോടെയാണ് അദ്ദേഹം കാസനോവ എന്ന കഥാപാത്രത്തെ സമീപിച്ചിരിക്കുന്നത്. അവരവരുടെ കഥാപാത്രങ്ങളോട് നീതി പുലര്‍ത്തികൊണ്ട് ജഗതി ശ്രീകുമാറും, റിയാസ് ഖാനും, ലാലു അലക്സും, ലക്ഷ്മി റായിയും നല്ല പ്രകടനം നടത്തിയിരിക്കുന്നു ഈ സിനിമയില്‍. ഈ സിനിമ തികഞ്ഞ ഒരു ആക്ഷന്‍ സിനിമയായത് കൊണ്ട് മികവുറ്റ അഭിനയ മുഹൂര്‍തങ്ങള്‍ക്കൊന്നും സാധ്യതയില്ല. എല്ലാ അഭിനേതാക്കളും അവരരുടെ രംഗങ്ങള്‍ മോശമാക്കാതെ അഭിനയിച്ചിട്ടുണ്ട്. മോഹന്‍ലാല്‍, ജഗതി, ലാലു അലക്സ്, റിയാസ് ഖാന്‍, ലക്ഷ്മി റായ് എന്നിവരെ കൂടാതെ ശ്രിയ ശരണ്‍, റോമ, സഞ്ജന, നാല് പുതുമുഖ വില്ലന്മാര്‍, ശങ്കര്‍, ഡിമ്പില്‍ റോസ്, അംബിക മോഹന്‍ എന്നിവരും കാസനോവയില്‍ അഭിനയിച്ചിരിക്കുന്നു. 

സിനിമയുടെ പ്ലസ്‌ പോയിന്റ്സ്:
1 ജിം ഗണേഷിന്റെ ചായാഗ്രഹണം
2 ഗോപി സുന്ദര്‍ ഒരുക്കിയ പശ്ചാത്തല സംഗീതം
3 അല്‍ഫോന്‍സ്‌, ഗൌരി, ഗോപി സുന്ദര്‍ ഈണമിട്ട പാട്ടുകള്‍
4 മോഹന്‍ലാലിന്‍റെ ചില മാനറിസങ്ങള്‍  
5 സിനിമയുടെ സംവിധാനവും, സാങ്കേതിക വശങ്ങളും
6
ലൊക്കേഷന്‍സ്

സിനിമയുടെ മൈനസ് പോയിന്റ്സ്:
1. ബോബി- സഞ്ജയ്‌ ടീമിന്റെ തിരക്കഥ
2. ഇഴഞ്ഞു നീങ്ങുന്ന സിനിമയുടെ രണ്ടാം പകുതി
3. സിനിമയുടെ 3 മണിക്കൂര്‍ ദൈര്‍ഘ്യം 
4 ക്ലൈമാക്സ് ആക്ഷന്‍ രംഗങ്ങള്‍


കാസനോവ റിവ്യൂ: മലയാള സിനിമയിലെ ഏറ്റവും മികച്ചത് എന്ന് വിശേഷിപ്പിക്കാവുന്ന ചായഗ്രഹണവും, അതിമനോഹരമായ പശ്ചാത്തല സംഗീതവും, ത്രില്ലിംഗ് ആക്ഷന്‍ രംഗങ്ങളും, നല്ല പാട്ടുകളും റോഷന്‍ ആന്‍ഡ്രൂസ്സിന്റെ കാസനോവയെ സമ്പന്നമാക്കുനുണ്ടെങ്കിലും, ബോബി- സഞ്ജയ്‌ കൂട്ടുകെട്ടിന്റെ കെട്ടുറപ്പില്ലാത്ത തിരക്കഥയും, സിനിമയുടെ 3 മണിക്കൂര്‍ നീളവും കാസനോവയെ കണ്ടിരിക്കാവുന്ന വെറുമൊരു ആക്ഷന്‍ ത്രില്ലര്‍ മാത്രമാക്കി മാറ്റി.


കാസനോവ റേറ്റിംഗ്: 5.50 / 10
കഥ-തിരക്കഥ: 5 / 10 [ആവറേജ്]
സംവിധാനം:
6 / 10 [എബവ് ആവറേജ്] 
സാങ്കേതികം: 3 / 5 [ഗുഡ്]
അഭിനയം: 2.5 / 5 [ആവറേജ്]
ആകെ മൊത്തം: 16.5 / 30 [5.5 / 10]


സംവിധാനം: റോഷന്‍ ആന്‍ഡ്രൂസ്
നിര്‍മ്മാണം: കൊണ്ഫിടെന്റ്റ് ഗ്രൂപ്പ്, ആശിര്‍വാദ് സിനിമാസ്
കഥ, തിരക്കഥ, സംഭാഷണം: ബോബി-സഞ്ജയ്‌
ചായാഗ്രഹണം: ജിം ഗണേഷ്
പശ്ചാത്തല സംഗീതം: ഗോപി സുന്ദര്‍
ചിത്രസന്നിവേശം: മഹേഷ്‌ നാരായണന്‍
വരികള്‍: ഗിരീഷ്‌ പുത്തഞ്ചേരി, വയലാര്‍ ശരത്ചന്ദ്ര വര്‍മ്മ
സംഗീതം: അല്‍ഫോന്‍സ്‌, ഗൌരി, ഗോപി സുന്ദര്‍
സംഘട്ടണം: അലന്‍ അമീന്‍

11 comments:

  1. its a v.good entertainer without any bad seans.
    full mark 2 roshan ; mohanlal n whole crew

    ReplyDelete
  2. thara padam. Wasted my time and money. Worst movie seen in years.

    ReplyDelete
  3. 2012 ile aadyatte hit boby-sanjay-roshan team intetakumennna preteekshayil aanu poyatu...
    but sad to say...padam oru avg level polum uyarnilla...
    direction cinematography and songs ozhichal padattil vearonnumilla...
    film nalla stylish aanu...really colour full...
    ee 17 , 18 kodi okke entinu vendiyanu mudakkiyatennu aarkkum manasilayilla

    1st half - kozhappamilla...oru paadu xpectations tarum..lalettanu vendi ulla kuree scenes ;) lalettan was simply suprebe in style and performance
    2nd half - padam nannayittu dragging aayi [ 30 min teerkkanulla flash back 1 manikoor kondu poyi...engeyum kadhalile athe scenes
    climax - entelamokeyo pretekshichu...but aakapade takarnnu poyi

    positives :

    direction [ oru rekshayilla...roshan chettan malayal film industykku teerchayayum oru mutalkoottu tanne]
    cinematography - [padattinte mattoru high lyt]
    laettan [ as always rocking ]
    pinne 4 payyanmar
    songs

    negtives :

    poor poor script
    pinnellam

    verdict : padatinte inital matre kanullu...and pala pala scenesum vetti kalanjillel familil keran sadyata valare kuravanu...itrem pasia koodi mudakkiya padamennna nilayil...sure flop

    theatre response : oru odukkatta aakhosham aayirunnu padam tudangunatinu mumpu...padam kazhinjappam avidevidekka kurachu kayyadi

    for lalettan fans its a one time watchable [ he is really stylish and georgeous]
    else avoid

    http://www.facebook.com/pages/Malayala-cinema-reviews/319811231373323

    ReplyDelete
  4. It would have been better.I watched casannova in Muvattupuzha Isaac's (12th day after realease).75% full.I really enjoyed the movie.But it doesnt have the ability to come as we expected.Expected a lot more tricky scenes to make the robbers in love and more suspenses.

    Back ground music was excellent.Lalettan was outstanding.Very poor poor screen play.An amatuer screen play.I would say I can do much better screen plays even though I am not belongs to the film industry.Songs are excellent.Any how, those who love lalettan can go for a single watch...I love you....

    ReplyDelete
  5. Thanks to the Malayala Cinema Niroopanam.Niroopanam is highly reliable source for the review.Great job...I suggest you to make it as a website and stand alone and do a fair business.You are excellent..I miss you my dear Big Wig....

    ReplyDelete
  6. Such an irritatable movie.....wasted my money & time..

    ReplyDelete
  7. Wasted my money & time and my life........

    ReplyDelete
  8. onnu podoooo.. potta cinema...........

    ReplyDelete
  9. this film was veryyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyyy bad
    ith polethe local cinema malayalathil undaitundavilla

    ReplyDelete
  10. this film fight was very locality

    ReplyDelete