2 Sept 2011

പ്രണയം

"സ്വപ്നത്തെക്കാള്‍ മനോഹരമാണ് ജീവിതം" എന്ന സന്ദേശം മനോഹരമായ സന്ദര്‍ഭങ്ങളിലൂടെ, സംഭാഷണങ്ങളിലൂടെ പറഞ്ഞുപോകുന്ന സിനിമയാണ് ബ്ലെസി സംവിധാനം ചെയ്ത പ്രണയം. നടനകലയുടെ ഇതിഹാസം പത്മശ്രീ ഭരത് മോഹന്‍ലാല്‍, അനുപം ഖേര്‍, ജയപ്രദ എന്നിവര്‍ തുല്യവേഷങ്ങളില്‍ അഭിനയിച്ച പ്രണയം എന്ന സിനിമ, മലയാള സിനിമയില്‍ എന്നുവരെ ആരും പറയാത്ത പ്രണയ കഥയാണ്  . ഫ്രാഗ്രന്റ്റ് നേച്ചര്‍ ഫിലിംസിന് വേണ്ടി സജീവും, ആനി സജീവും ചേര്‍ന്ന് നിര്‍മിച്ച ഈ സിനിമയില്‍ അനൂപ്‌ മേനോന്‍, നവ്യ നടരാജന്‍, ശ്രീനാഥ്, നിവേദ തോമസ്‌, നിയാസ്, ധന്യ മേരി വര്‍ഗീസ്‌,അപൂര്‍വ എന്നിവരും അഭിനയിച്ചിരിക്കുന്നു. ഫിലോസഫി പ്രൊഫസര്‍ ആയിരുന്ന മാത്യൂസ്‌ [മോഹന്‍ലാല്‍], മാത്യൂസിന്റെ ഭാര്യ ഗ്രെയിസ് [ജയപ്രദ], മുന്‍ ഫുട്ബോള്‍ കളിക്കാരനായ അച്ചുത മേനോന്‍ [അനുപം ഖേര്‍] എന്നിവരുടെ ജീവിതത്തിലൂടെ കടന്നു പോകുന്ന കഥയാണ് പ്രണയം. അച്ചുത മേനോനും, മാത്യൂസും, ഗ്രെയിസും വാര്‍ദ്ധക്യപരമായ അസുഖങ്ങള്‍ ബാധിച്ചവരാണെങ്കിലും, മനസ്സില്‍ ഇപ്പോഴും പ്രണയം സൂക്ഷിക്കുന്നവരാണ്. ഇവരുടെ ജീവിതത്തിലൂടെ, ചിന്തകളിലൂടെ, സ്വപ്നങ്ങളിലൂടെ, പ്രതീക്ഷയിലൂടെ, വികാരങ്ങളിലൂടെ കടന്നുപോകുന്നതാണ് ഈ സിനിമയുടെ കഥ.

കഥ - തിരക്കഥ: വെരി ഗുഡ്
ഒരിക്കല്‍ പോലും പ്രണയിക്കാത്തവരായി ആരും തന്നെ ഉണ്ടാവില്ല. ഏതു പ്രായത്തിലുള്ളവരായാലും പ്രണയം എന്ന സുഖമുള്ള വേദനയെന്തെന്നു തിരിച്ചറിഞ്ഞിട്ടുണ്ടാവണം. ഈ സിനിമയില്‍ പ്രണയത്തിന്റെ മധുരവും, വേദനയും ഒരേപോലെ പ്രേക്ഷകന് മനസ്സിലാക്കി കൊടുക്കാന്‍ ബ്ലെസ്സിയുടെ തിരക്കഥയ്ക്കും, സംഭാഷണങ്ങള്‍ക്കും സാധിച്ചിട്ടുണ്ട്. ഭാര്യയ്ക്ക് ഭര്‍ത്താവിനോടുള്ള പ്രണയവും, കാമുകിക്ക് കാമുകനോടുള്ള പ്രണയവും, മകന് അച്ഛനോടുള്ള പ്രണയവും, ഇന്നത്തെ തലമുറയിലുള്ള കുട്ടികളുടെ പ്രണയവുമെല്ലാം തിരക്കഥയില്‍ ഉള്പെടുത്തിയ സംവിധായകന്‍, പ്രണയം എന്ന അവസ്ഥയുടെ പല മുഖങ്ങള്‍ ഈ സിനിമയിലൂടെ വരച്ചുകാട്ടാന്‍ ശ്രമിച്ചിട്ടുണ്ട്. നാളിതുവരെയുള്ള ബ്ലെസ്സിയുടെ ഏറ്റവും മികച്ച തിരക്കഥ ഈ സിനിമയുടേതു തന്നെ എന്ന കാര്യത്തില്‍ ഒരു സംശയവും വേണ്ട.

സംവിധാനം: വെരി ഗുഡ്
ഏതൊരു നല്ല സിനിമയുടെയും നട്ടെല്ല് എന്ന വിശേഷിപ്പിക്കാവുന്നത് ആ സിനിമയുടെ തിരക്കഥയാണ്. അങ്ങനെയുള്ള തിരക്കഥയെ മനോഹരമായ വിഷ്വല്‍സ് ഒരുക്കി വിശ്വസനീയമായ രീതിയില്‍ സംവിധാനം ചെയ്യുക എന്നത് മാത്രമാണ് ഒരു സംവിധായകന്‍ ചെയ്യേണ്ടത്. ആ കാര്യത്തില്‍ ബ്ലെസി വിജയിച്ചിരിക്കുന്നു. ഈ സിനിമയിലെ പ്രധാന കഥാപാത്രങ്ങളായ മാത്യൂസും, ഗ്രെയിസും, അച്ചുത മേനോനും തമ്മിലുള്ള രംഗങ്ങള്‍ ഏറെ  മനോഹരമായാണ് ചിത്രീകരിച്ചിരിക്കുന്നത്. ഈ രംഗങ്ങള്‍ സൂക്ഷ്മതയോടെ സമീപിചിട്ടില്ലയിരുനെങ്കില്‍, ഇവര്‍ മൂവരും തമ്മിലുള്ള സൌഹൃദത്തിന് വേറൊരു അര്‍ത്ഥമാകുമായിരുന്നു. ബ്ലെസ്സിയുടെ മുന്‍കാല സിനിമകളില്‍ അതിശയോക്തി തോന്നിപ്പിക്കുന്ന ഒരുപാട് രംഗങ്ങള്‍ ഉണ്ടെങ്കിലും, ഈ സിനിമയില്‍ ഒരൊറ്റ രംഗത്തില്‍ പോലും അതിശയോക്തി ഇല്ലാതെയാണ് ബ്ലെസി സമീപിച്ചിരിക്കുന്നത്. 
 

സാങ്കേതികം: എബവ് ആവറേജ്
സതീഷ്‌ കുറുപ്പ് ഒരുക്കിയ വിഷ്വല്‍സ് അതിമനോഹരം എന്നല്ലാതെ വേറൊന്നും പറയുവാനാകില്ല. രാജാ മുഹമ്മദിന്റെ ചിത്രസന്നിവേശവും, സമീറ സനീഷിന്റെ വസ്ത്രലങ്കാരവും, രഞ്ജിത്ത് അമ്പാടിയുടെ മേയിക്കപ്പും ഈ സിനിമയ്ക്ക് മാറ്റുകൂട്ടുന്നു. പക്ഷെ, അനുപം ഖേറിന്റെ മലയാള ഉച്ചാരണവും, അനുപം ഖേറിനു വേണ്ടി ശബ്ദം നല്‍ക്കിയ വ്യെക്തിയുടെ മലയാളവും തമ്മില്‍ യാതൊരു ബന്ധവുമില്ല എന്നത് വളരെ മോശം എന്ന് പറയുന്നതില്‍ ഖേദിക്കുന്നു. ഈ കുറവ്, ഈ സിനിമയെ മോശമായി ബാധിച്ചിട്ടുണ്ട് എന്നതാണ് സത്യം. ഓ.എന്‍.വി- ജയചന്ദ്രന്‍ എന്നിവര്‍ ഒരുക്കിയ പാട്ടുകള്‍ മനോഹരമായിട്ടുണ്ട്. ശ്രേയ ഗോഷാല്‍ പാടിയ "പാട്ടില്‍, ഈ പാട്ടില്‍..." എന്ന പാട്ടും, വിജയ്‌ യേശുദാസ്, ശ്രേയ ഗോഷാല്‍ എന്നിവര്‍ ചേര്‍ന്ന് പാടിയ "മഴത്തുള്ളി പളുങ്കുകള്‍..." എന്ന പാട്ടും, ശരത് ആലപിച്ച "കളമൊഴികളെ..." എന്ന പാട്ടും കേള്‍ക്കാന്‍ ഇമ്പമുള്ളതായിരുന്നു.  

അഭിനയം: വെരി ഗുഡ്  
മോഹന്‍ലാലും, അനൂപ്‌ മേനോനും, ജയപ്രദയും മനോഹരമായി അവരവരുടെ കഥാപാത്രങ്ങള്‍ അവതരിപ്പിച്ചിട്ടുണ്ട്. അനുപം ഖേറിന്റെ മലയാള ഉച്ചാരണവും, ചില രംഗങ്ങളിലുള്ള അഭിനയവുമൊക്കെ കാണുമ്പോള്‍, അച്യുതമേനോന്‍ എന്ന കഥാപാത്രം ഒരു മലയാളി നടന്‍ അവതരിപ്പിക്കാമായിരുന്നു എന്ന് തോന്നിപ്പോയി.

സിനിമയുടെ പ്ലസ്‌ പോയിന്റ്സ്:
1. കഥ, തിരക്കഥ
2. ബ്ലെസ്സിയുടെ സംവിധാന മികവ്
3. മോഹന്‍ലാല്‍, അനൂപ്‌ മേനോന്‍, ജയപ്രദ എന്നിവരുടെ അഭിനയം
4. എം.ജയചന്ദ്രന്‍ - ഓ.എന്‍.വി ടീം ഒരുക്കിയ പാട്ടുകള്‍

സിനിമയുടെ മൈനസ് പോയിന്റ്സ്:
1. അനുപം ഖേറിന്റെ മലയാള ഉച്ചാരണം

പ്രണയം റിവ്യൂ: ഹൃദയസ്പര്‍ശിയായ കഥയൊരുക്കി, ജീവിതതോടടുത്തു നില്‍ക്കുന്ന മുഹൂര്‍ത്തങ്ങളിലൂടെ സഞ്ചരിക്കുന്ന മനോഹരമായ ഒരു പ്രണയ കാവ്യം ഒരുക്കിയ ബ്ലെസ്സിയ്ക്കും കൂട്ടര്‍ക്കും അഭിനന്ദനങ്ങള്‍! 

പ്രണയം റേറ്റിംഗ്:  7.70 / 10
കഥ,തിരക്കഥ: 8 / 10 [വെരി ഗുഡ്]
സംവിധാനം: 8 / 10 [
വെരി ഗുഡ്]]
സാങ്കേതികം: 3 / 5 [എബവ് ആവറേജ്]
അഭിനയം: 4 / 5 [വെരി ഗുഡ്]      
ആകെ മൊത്തം: 23 / 30 [ 7.7 / 10 ]  


രചന, സംവിധാനം: ബ്ലെസി
നിര്‍മ്മാണം: സജീവ്‌, ആനി സജീവ്‌
ചായാഗ്രഹണം: സതീഷ്‌ കുറുപ്പ്
ചിത്രസന്നിവേശം: രാജ മുഹമ്മദ്‌
വരികള്‍: ഓ. എന്‍.വി.കുറുപ്പ്
സംഗീതം: എം.ജയചന്ദ്രന്‍
മേയിക്കപ്: രഞ്ജിത്ത് അമ്പാടി
വസ്ത്രലങ്കാരം: സമീറ സനീഷ്

11 comments:

  1. Thank you blessy for this brilliant cinema! Good Review too...I am regular follower of Niroopanam. This is so far your best review. Good work!!!

    ReplyDelete
  2. Please use a 10 point rating scale so that the rating is reliable and accurate

    ReplyDelete
  3. Fantastic acting by Mohanlal, Jayapradha and Anoop menon(even in his short role). Apt review for this really touching and relevant story.

    ReplyDelete
  4. നന്നായി, വളരെ നല്ല നിരൂപണം. ഇനിയും പ്രതീഷിക്കുന്നു.

    ReplyDelete
  5. manoharamaaya anubhavimaayi maari ee cinema. nalla niroopanavum!

    ReplyDelete
  6. Pranayam is blessy's best movie! No doubt in that. I like your reviews. post sevens, dr love reviews soon...

    ReplyDelete
  7. super duper film.....nice acting lalettan and jayapradha....

    ReplyDelete
  8. touching movie....one of the best malayalam movie i have watched. Thanks to blessy sir and team for gifting such a beautiful movie.no words to express....it was indeed a great experience watching this movie

    ReplyDelete
  9. right is relative.polygamy and its social ethics questioned

    ReplyDelete